Kilchberg BL

Us der alemannische Wikipedia, der freie Dialäkt-Enzyklopedy

Wappe
[[Bild:\|98px\|Wappe vu Kilchberg]]
Basisdate
Kanton:	Basel-Landschaft
Bezirk:	Sissach
BFS-Nr.:	2851
PLZ:	4496
Koordinate:	47° 26' n. Br. 7° 54' ö. L.
Höchi:	571 m ü. M.
Flächi:	1.59 km²
Iwohner:	106 (31. Dezember 2005)
Websyte:	www.kilchberg.bl.ch
Charte

Technische Yschränkung:
Dr koräkt Titel wär: »Chilchbrg«

Dialäkt: Baseldytsch

Chilchbrg (hochdytsch Kilchberg) isch e politischi Gmeind im Bezirk Sissech vom Kanton Basel-Landschaft in dr Schwiiz. Sie isch noch Yywohner die glainscht Gmeind vom Baselbiet.

[ändere] Lag

S Buredorf Chilchbrg ligt überem Aitel uf 580 m. ü. M. Nochbergmeinde sin im Tal unde Däggnau und uff dr Hechi Rünebrg und Zeglige. Mit Rünebrg und Zeglige zämme bildet Chilchbrg au e Verwaltigsverbund. Öffentlige Irichtige sin in dene beide Dörfer zfinde.

[ändere] Wappe

S Wappe vo 1944 stellt s Siigel vo de Herre vo Chilchbrg dar. Es isch dur en schwarze Fade schreg teilt: Obe silbrig, unde viermol umgekehrt schreg teilt in silber und schwarz abwäggselnd

[ändere] Gschicht

Einzelni Fund uss dr Steizyt und dr Römerzyt zaige, dass scho frieh Lyt in däm Gebiet gläbt hän. Im friehne Mittelalter isch d St. Martins-Chile baut worde. Noch ihre isch d Sidlig Chilperch (1226) gnennt worde. Vermuetlig hett dr Ort em Bischof vo Basel gheert und isch spöter an d Grafe vo Froburg cho. Die häns Dorf an e Adelsgschlächt übergeh, wo sich "nach Kilchberg" gnennt hän und wohrschiins deert, wo hytte s Pfarrhuus stoht, e Burg bewohnt hän. 1376 wärde d Grafe vo Thierstai als Bsitzer vom Dorf gnennt. S Patronatsrächt, also s Rächt, dr Pfarrer z bestimme und dr Zähnti (10% Prozänt vom Ertrag als Stüür) izkassiere, hän vo 1400 bis 1870 s Chorherrestift St. Martin z' Rhyfälde gha. Erscht denne isch das Rächt an d Stadt Basel ybergange, obwohl dene dr Ort sälber scho syt 1461 ghört hett.

[ändere] Sehenswürdigkeite

D Chile vo 1867 (Neubau), erbaut im neugotische Stil mit hübsche Glasgmäld im Chor. Bi dr Reschtaurierig 1975 hett me e Gloggegiessgruebe gfunde und e vierti Glogge uffzooge
Wasserfall Giesse