Oltingen

Us der alemannische Wikipedia, der freie Dialäkt-Enzyklopedy

Sälle Artikel bhandlet d Gmeind Oltige im Baselbiet. Fyr die uff alemannisch glichlutendi Oberelsässer Gmeind, lueg Oltingue

Wappe
[[Bild:\|98px\|Wappe vu Oltingen]]
Basisdate
Kanton:	Basel-Landschaft
Bezirk:	Sissech
BFS-Nr.:	2855
PLZ:	4494
Koordinate:	47° 26' n. Br. 7° 56' ö. L.
Höchi:	576 m ü. M.
Flächi:	7.18 km²
Iwohner:	414 (31. Dezember 2005)
Websyte:	[1]
Charte

Technische Yschränkung:
Dr koräkt Titel wär: »Oltige«

Dialäkt: Baseldytsch

Oltige (hochdytsch Oltingen) isch e politischi Gmeind im Bezirk Sissech vom Kanton Basel-Landschaft in dr Schwiiz.

[ändere] Lag

S Buuredorf Oltige liggt am Fuess vo dr Schofmatt uff 576 m.ü.M. z'oberscht im Ergolztal an ihrer Quelle ganz im Südoschte vom Kanton. Nochbergmeinde sin Zeglige, Wäislinge, Roteflue (nur wenigi Meter), Ammel und die soledurnische Chienbrg, Obererlinsbach (Gmeind Erlinsbach SO) und Rohr.

[ändere] Wappe

S Wappe vo 1943 zeigt en breite schwarze schrege Balke (vo obbe links noch unde rächts) uff goldigem Grund (rächts und linggs näbedra). Uff em Balke hetts underenand drei silbrigi Huefyse mit schwarze Negel. S Wappe erinneret an die friener Bedytig vom Ort als Passfuessort, d Farbe a die ursprynglig Zuegheerigkeit vom halbe Dorf zur Herrschaft Chienbrg.

[ändere] Gschicht

Steizytligi und reemische Fünd bewiise, dass dr alti Passübergang über d Schofmatt (noch Chienbrg - Aarau) scho sit Alters här bnutzt worde isch. Im Mittelalter isch d Gränze zwischem Sisgau und em Frickgau längs dr Ergolz verloffe. Das hett Oltige, wo 1241 s'erschti Moll namentlig inere Urkunde uftaucht, in zwei Teil gschnitte. D Helfti am rächte Ufer hett als Lehe vo de Grafe zue Habsburg-Laufeburg zer Herrschaft Chienbrg gheert. Die ander Helfti am linke Ufer isch - mindeschtens syt 1372 - farnsburgisch gsi und isch 1461 an d Stadt Basel gfalle. Dr chienbärgisch Teil hett es paar Moll dr Eigetümer gwäggslet, bis es im 17. Joorhundert au an Basel gfalle isch, womit d Trennig uffghobe worde isch.

[ändere] Sehenswürdigkeite

Chile St. Nikolaus uss em Joor 1296, mit Glogge vo 1440 und 1493. D Kanzle stammt vo 1667. Dr hyttig Bau stammt us dr Spootgotik. Bi dr Renovation 1956-1958 hett me prächtigi Freske uss em 15. Joorhundert entdeckt, freiglegt und reschtauriert.
Wuchtigs Pfarrhuus us mächtige Tuffsteiquader. Dachgiibel.
Alti Saagi mit grossem Wasserrad
Ortsmuseum