Wintersingen

Us der alemannische Wikipedia, der freie Dialäkt-Enzyklopedy

Wappe
[[Bild:\|98px\|Wappe vu Wintersingen]]
Basisdate
Kanton:	Basel-Landschaft
Bezirk:	Sissech
BFS-Nr.:	2866
PLZ:	4451
Koordinate:	47° 30' n. Br. 7° 50' ö. L.
Höchi:	430 m ü. M.
Flächi:	6.95 km²
Iwohner:	60 (31. Dezember 2006)
Websyte:	www.wintersingen.ch
Charte

Technische Yschränkung:
Dr koräkt Titel wär: »Wintersinge«

Dialäkt: Baseldytsch

Wintersinge (hochdytsch Wintersingen) isch e politischi Gmeind im Bezirk Sissech vom Kanton Basel-Landschaft in dr Schwiiz.

[ändere] Lag

Wintersinge liggt uff 430 m.ü.M. im Norde vom Bezirk Sissach imene änge Talkessel zwische Sissech und Rhyfälde. Als eini vo de wenige Baselbieter Gmeinde liggt dr Ort öschtlig vom Ergolztal und isch drumm uff Rhyfälde usgrichtet. Nochbergmeinde sin Maisprch, Buus, Rickebach, Sissech, Nusshof und s aargauische Magde.

[ändere] Wappe

S Wappe exischtiert sit 1939. Uffeme rote Fäld sin schreg überenand drei silbrigi Pfyyl abbildet. Es stellt s Wappe vo de Rudolfs vo Wintersinge us em Joor 1284 dar.

[ändere] Gschicht

1196 wird Wintersingin s'erschti Moll inere Urkunde erwäänt. Dr Ortsname uff -inge dyttet uff e frieneri Siidlig hi, wo villicht noch emene Winitheri benennt worde isch. Bodefünd und Flurnäme belegge e no älteri Siidlig in dr Gegend. No um 1880 selle Überräscht vomene römische Guethsof uff em Breitfäld z'gseh gsi sy. Im friene Mittelalter hetts schyynts unterhalb vom Dorf e Freihof in keeniglichem Bsitz ghe, wo Flüchtling Koscht und Loschii abotte hett. Ursprynglig thiersteinerisch, isch dr Ort farnsburgisch worde und 1461 in Bsitz vor Stadt Basel ko. Vo 1814 bis 1833 hett Wintersinge allerdings nid zem Bezirk Sissach bzw. sine Vorgänger, sondern zem Bezirk Lieschtel gheert. Us äänliger Zyt stammt au dr Räbbau, wo bis hytte betriibe wird.