Richard Nutzinger
Us der alemannische Wikipedia, der freie Dialäkt-Enzyklopedy
Dr Richard Nutzinger (* 07. Dezember 1896 z'Guetich im Kinzigtal; † 28. November 1963 z'Neckargmünd) isch e evangelische Pfarrer un alemannische Dichter gsi, wo anno 1962 Träger vum Johann-Peter-Hebel-Priis gsi isch.
Inhaltsverzeichnis |
[ändere] Läbe
Dr Nutzinger Richard isch anno 1896 als dr eldischd Suhn vom Guetichemer Pfarrer bore worre. Nooch em Umzug uf Efringe isch er z'Lörrech uf s'Hebelgymnasium gange un het noch em Chriegsabitur 1914 bis 1918 im erschde Weltchrieg mitchämpfe müesse. Nooch em aaschliessende Theologiestudium z'Heidelberg, z'Tübinge un z'Basel het er sit 1922 als Vikar z'Lörrech un Friburg, als Pfarrverweser z'Ladeburg un als Vikar, spöter als Pfarrer z'Heddese gwirkt. Vo 1936 bis 1963, wänigi Wuche vor sinem Tod, isch er Pfarrer z'Hauge (Hauingen) im Wiisetal gsi. Vom November 1944 bis April 1945 isch er als Regimegegner vo dr Gestapo z'Lörrech inhaftiert gsi.
Nooch em Krieg isch er vo 1946-1963 als "e gschworene Hebelverehrer" Mitbegründer un glii au erschde Präsident vom Hebelbund Lörrach worde. Er het viili Gedichtli un Theaterstücker uf alemannisch gschriibe, drzue chleini Schauspil un anderi Prosastückli uf hochdütsch über dr Johann Peter Hebel, aber au über theologischi und chilchegschichtlichi Frooge un Ereigniss, un au no e paar Theaterstückli im Kurpfälzer Dialäkt. 1962 het er vom Land Bade-Württemberg dr Hebel-Priis übercho. 1962 het er 's "Hauger Lied" gschriibe, wo au hüt no im Dörfli gsunge wird, trotzdem säll sit 1975 e Stadtteil vo Lörrech worde n isch. Am 28.11.1963 isch er ganz überraschend z'Neckargmünd gstorbe.
[ändere] Verwiise
[ändere] Wärcher
- Der Hanspeter. Ein Hebelspiel. Friburg 1926, Neudruck im Selbstverlag 1957.
- D'Heimetsprooch. Mundartspiel. Privatdruck 1928.
- Der Lautsprecher. Spiel. Privatdruck 1929.
- Das Hanspeterli. Eine Geschichte aus Hauingen um Hebels Geburt. Privatdruck 1938.
- Was ein altes Pfarrhaus zu erzählen weiß. Geschichten aus dem Hauinger Pfarrhaus und seinen Nachbarn. Heidelberg: Evangelischer Verlag Comtesse 1939.
- Dr Nochruef. Mundartspiel. Privatdruck 1956.
- Um Wort und Sakrament. Festspiel zur 400-Jahrfeier der Reformation im Markgräflerland. Privatdruck 1956.
- Der Stabhalter. Erzählung aus Hebels letzten Lörracher Tagen. Lörrach: Hebelbund (o.J.)
- Paulus Gerhardt. Hochdeutsches Theaterspiel. Privatdruck 1957.
- In aller Stille. Mundartspiel. Privatdruck 1958.
- Von allerhand Kirchendienern. Heitere und besinnliche Erlebnisse. Karlrueh: Hans Thoma Verlag (o.J.)
- Hebels Lebensfahrt in Berichten, Geschichten und Gedichten. Friburg: Rombach 1962.
