Trinationale Agglomeration Basel
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Trinationali Agglomeration Basel« |
 |
Dialäkt: Markgräflerisch (Ebringe) |
Die Trinational Agglomeration Basel (TAB, frz. ATB) isch ä Organisation vu Gmeinde un Städte in dr Umgäbig vo dr Stadt Basel, um yber d'Gränze vu dr Länder Dytschland, Frankriich un Schwyz hiwegg gmeinsami Planige durzfüehre. Säll isch notwändig, wil d'Staatsgränze zum Deil dur Strossezüg verlaufe. Dr Agglomerationsruum isch ä schöns Bispiil defir, wie datsächlichs Stadtgebiet un politischi Gränze ussänanderfalle chänne.
Mit 760.000 Iwohner isch d'TAB d'Metropole fers Städtedrieck Basel - Milhüse - Friburg im Brisgau in de Rhinische Megalopole. 60% vu dr Bevölkerig läbe in dr Schwyz, 30% in Dytschland un 10% in Frankriich.
Ziil vu dr TAB isch e Verbesserig vu dr gränzyberschrittende Zämmearbet un d'Koordination in dr Ruumplanig. Demit soll d'Agglomeration als europäischer Wirtschaftsstandort attraktiver gstaltet un gstärkt werre. Dur die politisch Dailig vum Siidligsruum Basel het d'Region suscht gegenyber Regione mit ere eiheitliche Verwaltig e Standortnoochdail.
Zahlriichi Schlüsselprojekte sin festglegt un e gmeinsams Entwickligskonzept usgarbeitet worre. Usserdem isch e Verei fer die noochhaltig Ruumentwicklig vu de TAB gründet worre.
In Bade-Württeberg isch ruumplanerisch d'Region vu Wil am Rhi un Lörrach als dytscher Dail vu de TAB zu eme städtische Verdichtigsruum zämmegfasst.
