Parque Natural d'a Defesa d'o Moncayo

O Parque Natural d'a Defesa d'o Moncayo (en castellán Parque Natural de la Dehesa del Moncayo) tién una amplaria de 1.399 etarias e ye situato entre as redoladas de Tarazona e o Moncayo, Aranda e Campo de Borcha en a probinzia de Zaragoza. S'estendilla por os termins monezipals de Tarazona, Os Fayos, Torrellas, Santa Cruz de Moncayo, San Martín d'a Birchen de Moncayo, Litago, Lituenigo, Trasmoz, Bera de Moncayo, Añón, Bulbuén, Ambel, Talamans, Grisel, Agramonte, Beratón, Purillosa, Calzena e Beratón, iste zaguero en Soria.

En o parque se i troba la tuca d'o Moncayo, lo pico más alto d'o Sistema Iberico con 2.314 metros d'altaria.

[editar] Flora y fauna

A bechetazión en o Moncayo podemos trobar-la escaleronata ya que bi ha prous cambeos dende a zona baxa enta la tuca:

En a zona más baxa trobamos selbas de carrascas, dica os 900 metros d'altaria. Bi ha matarrals formatos por allagas e tremonzillos an biben coniellos, perdizes, rulletas, taxugos e fardachos entre atros.
Entre os 900 e os 1.100 metros se i troba o rebollar. Gais, chordos, xabalins e rabosas forman a suya fauna.
Dende os 900 metros e dica una altaria de 1.800 se puede trobar o pinar, formato por barias espezies de pinos. También bi ha cardoneras, brucos e chordons. Os prenzipals animals d'ista zona son o piñonero, papirroi e o taxugo.
Entre os 1.100 e os 1.650 ye o fabar, uno d'os más meridionals d'Europa. En ista selba bi ha una mayor umedat e as temperaturas son más baxas. Atras espezies bechetals son os caxicos, os fráxins, salzes, abetochas, felzes, molsas e cañuteras. Entre a suya fauna son os xabalins, o cuerzo, o esparbel e l'alica reyal
Ya dende os 1.650 metros e dica la tuca d'o Moncayo, lo fabar se fa cada begata más claro e dixa paso á los praus. Alodas e gripias biben astí.

Espazios naturals protexitos d'Aragón
Bals Oczidentals \| Galachos de l'Ebro \| Lacuna de Gallocanta e as Saladas de Chiprana \| Lacuna de Sariñena \| Lomaza de Belchit \| Mayestrazgo \| Moncayo \| Ordesa e As Tres Serols \| Pinars de Rodeno e Sierra d'Albarrazín \| Posets-Maladeta \| San Chuan d'a Peña \| Sierra e os Cañons de Guara