Landkreis Starnberg

Aus Wikipedia

Der Àrtikl is im Dialekt „Obaboarisch“ gschriem worn.

Wappn	Kartn

Basisdatn
Bundesland:	Bayern
Regierungsbeziak:	Obabayern
Vawaltungssitz:	Starnberg
Flächn:	488,01 km²
Eiwohna:	129.079 (30. Septemba 2006)
Bevölkerungsdichtn:	265 Eiwohna je km²
Kfz-Kennzeichn:	STA
Kreisschliassl:	09 1 88
Kreisgliederung:	14 Gmoandn
Adress vo da Kreisvawoitung:	Strandbadstr. 2 82319 Starnberg
Offizielle Webseitn:	www.landkreis-starnberg.de
E-Mail-Adress:	info@LRA-Starnberg.de
Politik
Landrat:	Heinrich Frey (CSU)
Kartn

Da Landkreis Starnberg liegt im Südwestn vom boarischen Regierungsbeziak Obabayern. Nachbarlandkreis san im Nordn da Landkreis Fiarstnfeldbruck, im Osten da Landkreis Minga, im Südostn da Landkreis Bad Tölz-Wolfratshausn, im Südn da Landkreis Weilheim-Schongau und im Westn da Landkreis Landsberg am Lech.

Inhaltsverzeichnis

1 Geographie
2 Historie
- 2.1 Eiwohnaentwicklung
3 Wirtschaft und Infrastruktur
- 3.1 Wirtschaft
- 3.2 Vakehr
4 Politik
- 4.1 Kreiståg
- 4.2 Landrät
5 Wappn
6 Städte und Gmoandn
7 Weblinks

[dro werkln] Geographie

Da Landkreis Starnberg werd aa "Fünf-Seen-Land" ghoaßn. Er umfasst an nordwestlichen Landstrich vom Starnberger See und an Weßlinger See, an Wörthsee, an Pilsensee und Teile vom östlichn Ammersee. Zwischn am Starnberger See und am Ammersee erstreckt si a Hügllandschaft, de bei Tutzing mit der Ilkahöhe (728 m) de hechste Erhebung im Kreisgebiet hat. An seim Nordufa valasst de Würm an Starnberga See. Sie hat si a engs Flussbett gram und valasst bei Krailling as Kreisgebiet in Richtung Minga.

[dro werkln] Historie

Des Gebiet vom Landkreis ghert scho recht lang zua Bayern. 1803 is des Landgricht Starnberg errichtet worn, des zum Isarkreis ghert håt, der 1838 in Oberbayern umgnennt worn is. 1862 is's Teil vom Beziaksamt Minga links vo da Isar worn und 1879/80 vom Beziaksamt Minga II. Erst 1902 is a eigens Beziaksamt Starnberg errichtet worn. 1939 is's in Landratsamt umdaft worn, der Beziak hoaßt seitdem Landkreis Starnberg.

Im Rahmen vo da Gebietsreform in Bayern 1972 is da Landkreis Starnberg um a paar Gmoandn vom Landkreis Wolfratshausn vagreßert worn.

[dro werkln] Eiwohnaentwicklung

Da Landkreis is ois Naherholungskreis beliebt und håt a starke Zuawanderung aus'm Raum Minga zum vazeichnen. Im Jåhr 2002 ham im Landkreis Starnberg noch 121.723 Eiwohna gwohnt, während's 2005 scho 129.098 Eiwohna warn.

[dro werkln] Wirtschaft und Infrastruktur

[dro werkln] Wirtschaft

De Einkommensteiakraft je Eiwohna is im Jåhr 2004 bei 447 Euro (Bundesdurchschnitt 216) gleng. De Kaufkraft je Eiwohna im Jåhr 2005 war bei 9.955 Euro (Bundesdurchschnitt 8.523).

13,5 % vo de Bschäftigtn im Landkreis ham an Hochschui- oder Fachhochschuiabschluss - doppet so vui wia im Bundesschnitt.

[dro werkln] Vakehr

Da Landkreis Starnberg werd vo S-Bahnlinien erschlossn. De S 6 erreicht auf da 1854 von da Pasing-Starnberger Eisenbahn erbautn Streckn von Minga her üba Gauting in Starnberg des Westufer vom See; dann führt sie auf'm Abschnitt bis Tutzing weita, der 1865/66 wia de Verlängerunga nach Weilheim und Penzberg von da Eisenbahn da Stadt Weilheim hinzuagfügt worn san.

De S 5 nutzt de Bahnlinie, de 1903 durch de Boarische Staatsbahn vo Pasing nach Herrsching in Betrieb gnumma worn is.

[dro werkln] Politik

[dro werkln] Kreiståg

Im Kreiståg gibt's 60 Kreisrät. De Sitz verteiln si seit da Kommunalwahl 2002 wia folgt:

28 Sitz fia de CSU
11 Sitz fia de SPD
9 Sitz fia de Freien Wähler
5 Sitz fia de Greana
4 Sitz fia de FDP und Parteifreie
2 Sitz fia de ÖDP
1 Sitz fia Fraktionslose

[dro werkln] Landrät

seit am 1. Mai 1996: Heinrich Frey CSU
19. Juni 1969 - 30. April 1996: Dr. Rudolf Widmann FDP
4. Juni 1948 - 5. April 1969: Dr. Max Irlinger (parteilos)
22. Oktoba 1945 - 1. Juni 1948: Dr. Erckhinger vo Schwerin
9. Mai 1945 - 21. Oktoba 1945: Martin Dresse
22. Novemba 1944 - 8. Mai 1945: Dr. Max Irlinger
2. Januar 1944 - 21. Novemba 1944: Rudolf Kerler
15. Januar 1943 - 31. Dezember 1943: Dr. Theobald Graf Khuen
20. Juni 1942 - 15. Januar 1943: Dr. Max Irlinger
Bezirksamtmänna:
15. Dezemba 1933 - 20. Juni 1942: Albert Hastreiter (ab 1939 Landrat)
1. April 1933 - 14. Dezemba 1933: Dr. Johann Mang
1. Septemba 1925 - 3. März 1933: Eduard Weiß
1. Oktoba 1905 - 31. August 1925: Wilhelm Freiherr vo Stengel
2. Oktoba 1902 - 30. Septemba 1905: Siegmund vo Hartlieb-Wallsporn

[dro werkln] Wappn

Wappnbeschreibung: "Am boarischen Rautenschild aufglegt om a goldna Löwe, untn a oaköpfiga goldna Adler." Des Wappn geht auf de Grafn vo Andechs-Meranien zruck.