Wåis-Siaznhoam
Aus Wikipedia
 |
Der Àrtikl is im Dialekt „Flåchgauarisch“ gschriem worn. | |
| Wåis-Siaznhoam |
||
| Wåbbm | Kårtn | |
|---|---|---|
 |
|
|
| Basisdàtn | ||
| Bundeslãnd: | Salzburg | |
| Politischa Bezirk: | Såizburg-Umgéwung (SL) | |
| Koordinatn: | Koordinaten: 47° 46' N, 12° 58' O 47° 46' N, 12° 58' O | |
| Hechn: | 446 m ü. À. | |
| Eîwohna: | 11.100 (30. Sep. 2006) | |
| Bevökarungsdichtn: | 417 Eîwohna pro km² | |
| Postleitzåihen: | 5071, 5072 | |
| Vurwåih: | 0662 | |
| Gmoãkennziffa: | 50 338 | |
| Gmoãvawåitung: | Hauptstraße 17 5071 Wals-Siezenheim |
|
| Offizielle Websitn: | ||
| Politik | ||
| Burgamàsta: | Ludwig Bieringer (ÖVP) | |
| Gmoãråt: (2004) | ||
Wåis-Siaznhoam (ãmtlich àf hochdaitsch: Wals-Siezenheim) is a Gmoãnd' im Såizburga Lãnd, in Éstareich. Sé håd 11.100 Eîwohna und werd déswéng à åis "greßts Dorf" vô Éstareich bezeichnet, weî 's trotzdem koa Stådt und néd amåi a Mårktgmoãnd is. 1948 san Siaznhoam und Wåis zu oana Doppegmoãnd zãmmglégt worn. Im söim Jåhr is 's Wåbbm àfkêmma, dés 'n sånghåftn Birnbàm àf 'm Wåisafeidl vur da Bergkulissn vôm Untasberg zoagt.
Inhaltsverzeichnis |
[dro werkln] Geogràfie
D' Gmoãnd liegt im Flåchgau, glei nebm da Stådt Såizburg. Dé greßaren Ortsteile wern mid Buslinien vasorgt, in da Gmoãnd seim is d' Gschicht mid de Vakehrsvabindunga åiwei nua a Kraiz.
Ortsteile vô Wåis han: Wåisaberg, Wåisafeid, Käfahoam, Siaznhoam, Hîmmireich, Klesshoam, Gois, Viehhausn, Greânau, Rott, Éd und Edlweiß. De letzn drei han åwa neamma so offiziöi.
Nåchbagmoãndn san: Grédig, Großgmoã, de Stådt Såizburg und Oâring in Baian.
[dro werkln] Sport
In Klesshoam steht 's EM-Stadion vô Red Bull Såizburg, da derzeid erfoigreichstn Fuaßbåimãschåft in da Region Såizburg.
Owa d' Wåisa hand a gãnz guade Ringa. Da AC Wåis, eana Ringavarein, is nämli da erfoigreichste Ringavarein in gãnz Éstareich.
[dro werkln] Wirtschåft und Infrastruktur
s' „Airportcenter“ in Hîmmereich is bis Juni 2006 as zwoatgreßte Eîkàfszêntrum bzw. Gewerbeãsãmmlung in da Stådtregion vô Såizburg gwesn. Bis zum Fruahjåhr 2009 werd a nais Factory-Outlet-Center fertiggsteit. A Gubbm um d' Weana Städtische Vasicharung, dé as naie Outlet-Center gmoãsãm mid McArthurGlen, weicha à dés in Pàrndorf im Burnglãnd aufbaut håd, betreim wüi, wüi deat 80. bis 80. Millionen Euro inwestiarn. s' naie Center soid a Nettovakàfslächn vô ebba 25.000 m² håm.
In Siaznhoam befîndt sé d' Schwårznbergkasern, d' greßte Kasern vôm éstareichischn Bundeshear und oane vô dé greßtn im Mittlairopa.
[dro werkln] Ãsässige Untanéhmen
- Åpîne Bau GmbH
- dm-drogarie mårkt GmbH & Co. KG
- Hogast Eînkàfsgnossenschåft reg. Gen.mbH
- Kaindl Flooring GmbH
[dro werkln] Vakehr
Da Såizburga Flughåfn in Maxglàn is àn Passaschiarzåihn gmessn, da zwoatgreßte Flughåfn vô Éstareich und grênzt direkt àn an Ortsteil Hîmmereich ã.
Wåis is iwa d' städtischn Buslinien 1 (EM-Stadion), 2 (Flughåfm, Wåisafeid) 27 (Viehausn) und 28 (Siaznhoam) àn 's städtische Busnétz ãgschlossn sowia mid d' Regionàlbuslinien 142 und 150 dareichbår.
Auf 'm Wåisa Gmoãndgebiet befîndt sé à da „Knotn Såizburg“, àn dém sé d' éstareichischn Bundesautobãhnen A1 (Westautobãh) und d' A10 (Tauanautobãh) kraizn. D' A1 büidt am Grênziwagãng Wåisaberg 'n Iwagãng zur daitschn Bundesautobãh A8 (Såizburg-Minga-Stuggàrt).
[dro werkln] Wåbbm
's Wåbbm vô da Gmoãnd is: „In Blau a lãnggstreggta weißa Berg (Untasberg) und dåvur auf greânem Bodn a natirlicha, greâna, göibbefruchteta Birnbàm.“
[dro werkln] Politik
Lãngjähriga Birgamoasta is da „Bundesråt Ludwig Biaringa“ vô da ÖVP. Da Gmoãråt sétzt sé wia foigt zãmm:
[dro werkln] Persönlichkeitn
- Berga Frãnz (* 1940 in Wåis), éstareichischa Ringa
- Brétzna Bàrtl I. (* 13. Feba 1928 in Wåis), éstareichischa Ringer
- Brétzna Bàrtl II. (* 20. Feba 1957 in Wåis), éstareichischa Ringa
- Ludwig Wiggal vô Éstareich (* 15. Mai 1842 in Wean; † 18. Jänna 1919 in Klesshoam)
- Màrchl Toni (* 19. März 1965 in Wåis-Siaznhoam), éstareichischa Ringa
- Màrchl Schursch (* 22. Jänna 1964 in Wåis-Siaznhoam), éstareichischa Ringa
- Naimaia Schursch (* 13. Feba 1966 in Wåis-Siaznhoam), éstareichischa Ringa
- Preis Sepp (* 19. Septemba 1867 in Siaznhoam,dåmåis bei Liafaring; † 25. Oktowa 1944 ebmdå), Birgermoasta vô da Lãndeshauptstådt Såizburg
- Thurnwiasa Kårl (* 30. Mai 1789 in Krãmsàch in Tiroi; † 25. Jänna 1865 in Såizburg), Hüifspriasta in Siaznhoam
