Айхи Геннадий Николаевич

Википедири материал

Айхи Геннадий Николаевич (чăн хушамачĕ Лисин), — чăваш сăвăçи, куçаруçă. 1934 çулхи çурла уйăхĕн 21 Чăваш Енĕн Патăръел районĕнчи Çĕньял ялĕнче çуралнă. 2006 çулхи нарăсăн 21 нумай чирленĕ хыççăн Мускавра вилнĕ.

1994 çулта Чăваш Енĕн халăх сăвăçи ятне тивĕçлĕ пулнă. 1989 çулта К.В.Иванов ячĕллĕ Чăваш Енĕн патшалăх премиĕн, 1972 çулта Франци академиĕн премиĕн, 1993 çулта Ф.Петрарки ячĕллĕ премиĕн (Германи), 1993 çулта Ылтăн венец Стружски поэзи каçĕсен (Македони) тата 1996 çулта Кăнтăр Тироль премиĕн (Австри) лауриачĕ пулнă. 1998 çулта Исскуствопа литература Одренĕн (Франци) командорĕ ятне тивĕçлĕ пулнă.

[тӳрлет] Пурнăçĕ

Пулас сăвăç ачалăхне чăваш çĕрĕнче тата Карелофин республикинче ирттернĕ.

1953 çулта Патăръелти И.Я. Яковлев ячĕллĕ педагогика училищине, 1959 çулта А.М.Горький ячĕпе хисепленекен литература институтне вĕренсе пĕтернĕ. Литература институчĕнче Светлов Михайил Аркадьевич пултарулăх семинарĕнче вĕреннĕ.

1961—1971 çулсенче Айхи Мускаври Маяковский музейĕнче ĕçленĕ.

[тӳрлет] Ĕçĕсем

Пĕрремĕш «Аттесен ячĕпе» сăвă пуххи 1958 çулта пичĕтленсе тухнă. Айхин чи лайăх сăввисене франци, нимĕç, чех, словаки, польша, венгри тата ытти чĕлхесем çине куçарнă.

Çавăн пекех çак кĕнекесене асăнмалла:

• «Утăм» (1964);
• «Чĕре тĕвĕ» (1975);
• «Халал» (1988).

Айхи нумай сăвăсене чăваш чĕлхи çине куçарнă. Çапла вăл «Франци поэчĕсем», «Венгри поэчĕсем», «Польша поэчĕсем» антологиĕсене пичĕтлесе кăларнă.

[тӳрлет] Литература

• Ермакова Г. А. Поклон Айги. Ч., 1996;
• Хузангай А. П. Поэт Айги и художники (Опыт философской интерпретации поэтического и художественного сознания). Ч., 1998.