Ахтимирова Роза Николаевна

Википедири материал

Ахтимирова Роза Николаевна (чăн хушамачĕ Петрова), — прозаик, тăлмач. 1939 çулхи авăн уйăхĕн 12 Чăваш Енĕн Тăвай районĕнчи Тенеяль ялĕнче çуралнă.

1991 çултанпа Чăваш çыравçисен пĕрлешĕвĕнче, 2001 çултанпа Раççей Федерациĕн журналисчĕсен пĕрлешĕвĕнче тăрать. Педагогика ăслăлăхĕсен кандидачĕ. 1994 çулта Удмурти Республикин тава тивĕçлĕ культура ĕçченĕ, 1997 çулта Чăваш Енĕн халăха вĕрентекен тава тивĕçлĕ ĕçченĕ ячĕсене тивĕçлĕ пулнă.

1992 çулта И.Я.Яковлев ячĕллĕ пĕтĕм чăваш нациĕн премиĕн, 2002 çулта К. Герд ячĕллĕ пĕтĕм удмурт нациĕн премиĕн лауриачĕ пулнă.

[тӳрлет] Пурнăçĕ

Чăваш педагогика институчĕн историпе филологи факультетне вĕренсе пĕтернĕ. Ун хыççăн Вăрмар районĕнчи Арапуçри вăтам шкулта вырăс тата чăваш чĕлхипе литературине ачасене вĕрентнĕ. Мускавра вырнаçнă Наци шкулĕсен институчĕнче кандидат диссертацине хӳтеленĕ хыççăн Чăваш Енĕн аслă вĕрентӳ заведениĕсенче вĕрентекен тата доцент пулса ĕçленĕ.

[тӳрлет] Ĕçĕсем

Чи малтан 1966 çулта Вăрмар районĕн «Хĕрлĕ Ялав», Тăвай районĕн «Ял ĕçченĕ» хаçачĕсенче пичĕтленме пуçланă. Çавăн пекех ытти республикăри хаçатсемпе журналсенче те унăн ĕçĕсем çутă курнă.

Кĕнекисем:

• Чăваш чĕлхи çинче:
  • «Асанне халалĕ» (калавсем, 1993);
  • «Чăвашсен ырă йăла-йĕркисем» (калавсем, очерксем, аса илӳсем, 1993);
  • «Ача-пăча сăмахлăхĕ» (пухаканĕ, Г. Юмартпа пĕрле, 1993);
  • «Роза Шевлепи пултарулăхĕ» (монографи, 1998);
  • «Юхма Мишши пултарулăхĕ тата халăх педагогики» (очерксем, 1996);
  • «Чăваш литературине шкулта вĕрентме çыхăннă меслетсем» (ăслăлăх кăларăмĕ, 2001);
  • «Тăван сăмах» (4-мĕш класс валли вĕренӳ кĕнеки, пухаканĕ, П. Дмитриевпа пĕрле (1988), Т. Артемьевăпа тата О. Печниковпа пĕрле (1992));
  • «Чăваш литературине вĕрентес хăш-пĕр ыйтăвĕсем» (Вĕрентӳ пособиĕ, Д. Филипповăпа пĕрле, 1989);
  • «Ăсталăх тӳпинчен» (1999);
  • «Г. Красновпа Г. Желтухинăн «Пурнăç иккĕ килмест» кĕнекинчи фольклорпа сăмах вĕççĕн çӳрекен педагогика» (монографи, 1999);
  • «Ачалăхри тусăмсем» (новеллăсем, 2002);
  • «Чăвашлăх управĕ» (очерксем, 2002);
• вырăс чĕлхи çинче:
  • «Мишши Юхма в контексте мировой литературы» (монографи, 1998);
  • «Чувашская фольклорная педагогика в контексте словесной культуры народов Урало-Поволжья» (монографи, 2002);
• чăваш чĕлхи çине куçарнисем:
  • «Тăрă çăлкуçсен кĕвви» (1993);
  • А. Авиповăн «Хура кĕркунне» (калавсем, 1999);
  • В. Ар-Сергиĕн «Хурчка чĕппи» (калавсем, 1996);
  • К. Гердăн «Матьи» (калавсем, хайлав, статьясем, 1999);
  • В. Крыловăн «Шыв çинчи çăлтăрсем» (калавсем, 1998);
  • В. Ванюшевăн «Салам, Шупашкар!..» (калавсем, 1999);
  • Г. Пироговăн «Асамат кĕперĕ» (калавсем, 1998);
  • В. Ванюшевăн «Туслăх — содружество — эшьяськон» (калавсем);
  • Л. Кутяновăн «Шурă лили» (сăвăсем, 1998);
  • М. Петровăн «Кивĕ Мултан» (роман, 1999);
  • «Удмурт калавĕсем» (2002);
  • «Элнет юррисем» (2002).