Чăваш Сурăм

Википедири материал

Чăваш Сурăм — Чăваш Енĕн Элĕк районĕнчи чиркӳллě ял. Чăваш Сурăм ял тăрăхĕн тĕпĕ шутланать. Ял Сурăм шывĕн сулахай çыранĕнче вырнаçнă.

Тупмалли 1 Халăх йышĕ, ял тытăмĕ 1.1 Ĕлĕкхи тапхăрта 2 Истори 3 Паллă çыннисем 4 Вуламалли

[тӳрлет] Халăх йышĕ, ял тытăмĕ

Салара 233 çын (2006) пурăнать. Ялта виçě урам- Совет, Октябрь, Çамрăксен урамěсем. Ялта шкул историйĕн музейĕ ĕçлет.

[тӳрлет] Ĕлĕкхи тапхăрта

Ку тăрăхра халăх çыравне 1718 - 1723 çулсенче ирттернĕ. Çак ĕçсене тума вырăнти улпутсене хушнă. Лешĕсем çак ĕçе сӳрĕккĕн туса пынă, чылай çĕр ĕçченĕсене хутсем çине çырман, пытарнă.

1780 çул тĕлне ял икĕ пайран тăни курăнать:

"Преображенская Сорма —20 дворов, околодок церкований — 8 мужчин, 12 женщин"

1907 çултĕлне ялта 193 çын, 1926 çул тĕлне 49 килте 228 çын пурăннă.

[тӳрлет] Истори

Чăваш Сурăм ялĕ çинчен авалхи хутсем çинче 1620 çулта асăнни пур.

1747 çулта чиркӳ туса лартнă. 1793 çулта салара чултан çĕнĕ чиркӳ купаласа лартнă. 1826 çулта кивĕ чиркӳ çуртне пăсса часовньă тунă. 1833 çул тĕлне, прихут хучĕсем тăрăх çак прихута Актай, Матьăк, Панкли, Хурасан ялĕсем кĕни паллă.

1862 çулта кунта шкул уçăлнă.

1917 çулчен Çавал уесĕн Çěнě Мамеев вулăсĕнче шутланнă. 1927 çулччен Етĕрне уесĕн Чăваш Сурăм вулăсĕнче шутланнă. 1927 çулхи юпа уйăхĕн 1 хыççăн Элĕк районне, 1962 çулхи [[раштав уйăхĕн 20-мĕшĕ хыççăн Вăрнар районне кĕртнĕ. 1965 çулхи пуш уйăхĕн 14-мĕшĕ хыççăн хальхи вăхăтчен Элĕк районне кĕрет.

[тӳрлет] Паллă çыннисем

[тӳрлет] Вуламалли

• Акты исторической "Собрании Степаном Мельниковым", т. 1, Хусан, 1859, с. 8.
• Л. И. Ефимов, "Элĕк Енĕ", Элĕк, 1994.