Presaddfed (siambr gladdu)
Oddi ar Wicipedia
Mae Presaddfed yn siambr gladdu o'r cyfnod Neolithig gerllaw Bodedern ar Ynys Môn. Saif mewn cae heb fod ymhell o Lyn Llywenan.
Mae dwy siambr gladdu, rhyw 1.5 medr oddi wrth ei gilydd. Erbyn hyn mae'r siambr ogleddol yn adfeilion, ond mae meini'r siambr ddeheol yn parhau yn eu lle. Credir mai ei ffurf wreiddiol oedd dwy siamber gladdu gaeedig wedi eu gorchuddio gan un twmpath, fel yn siambr gladdu Trefignath, ond mae'r twmpath pridd fu o gwmpas y siamberi wedi hen ddiflannu. Mae traddodiad lleol i deulu oedd wedi cael eu troi o'u cartref fyw yn y siambr ddeheuol am gyfnod yn 1801.
Gellir cyrraedd at y siambr gladdu trwy ddilyn y ffordd B5109 o Fodedern, ac yna troi i'r chwith ar ôl rhyw hanner milltir. Mae lle i adael car wrth ochr y ffordd a llwybr cyhoeddus yn arwain at y siambr.
[golygu] Llyfryddiaeth
- Lynch, Frances (1995) Gwynedd (A guide to ancient and historic Wales) (Llundain:HMSO) ISBN: 0-11-701574-1
 |
Siamberi Claddu ar Ynys Môn |  |
|---|---|---|
|
Barclodiad y Gawres | Bodowyr | Bryn Celli Ddu | Din Dryfol | Llugwy | Pant y Saer | Presaddfed | Trefignath | Tŷ Newydd |
||
