Гора
Од Википедија, слободна енциклопедија
Гора е етнички македонски регион кој се наоѓа во крајниот југозападен дел на Косово (околу 18 села распослани на јужниот дел на северозападната падина на Шар Планина) и североисточниот дел на Албанија (околу 12 села). Регионот е планински со густи зимзелени шуми (гори) и низ него протекува реката Бел Дрим, а во делот под Косово се наоѓа изворот на реката Радика.
Содржина |
[уреди] Население
Во Гора живеат околу 25000 жители во најголемо мнозинство (околу 82%, според тврдењата на здружението на Македонците од Гора во Албанија) Македонци со муслиманска вероисповед познати под името Горанци кои говорат македонски јазик.
Поради тешкопристапниот предел населението на Гора (особено во Косово) константно се намалува, па така од некогашните 25000 жители на косовскиот дел на Гора денес живеат околу 15000 жители. Македонците од Гора често мигрираат во Република Македонија, а 10 000 од нив имаат и македонски државјанства.
[уреди] Села во Гора
Села во Гора (Косово) се: Драгаш (претставува седиште на истоимената општина), Рестелица, Горна Рапча, Долна Рапча, Крушево, Брод, Диканце, Орќуше, Долни Крстец и Горни Крстец (Крстец), Млике, Глобочица, Бачка, Зли поток, , Лјубошта, Радеша, Лештане, Кукаљане, Враниште.
Села во Гора (Албанија) се: Шиштавец (Шиштејец), Борје, Орешек, Црнелево, Оргоста, Кошаришта, Запот, Пакишта и Очикле.
Горанци живеат и во две села во Тетовско - Урвич и Јеловјане.
[уреди] Актуелни состојби
Македонците што живеат во делот на Гора што е во Албанија се организирани во свое македонско здружение кое е во најтесна соработка со здруженијата на Македонците од Мала Преспа и Голо Брдо и преку заеднички активности се борат за поголеми малцински права на Македонците во Албанија. Во 2005 година здружението на Македонците од пределот Гора во Албанија достави барање до албанската влада за воведување на македонскиот јазик во училиштата во селата во Гора.
Состојбата со Македонците од делот на Гора што е под Косово е многу тешка бидејќи тие се под секојдневен голем притисок на претставниците на Србите и Бошњаците (а во последно време се почесто и од Албанците) од Косово, да се изјаснат како Срби или Бошњаци. Врз Горанците се поголеми притисоци вршат и Бугарите кои имаат за цел да прикажат дека во Косово живеат и Бугари со муслиманска веросиповед.
Актуелна е состојбата на изградбата на граничниот премин Стрезимир - Рестелица помеѓу Република Македонија и Косово, за кои Горанците сметаат дека ќе им се овозможи поголеми врски и контакти и полесен пристап до нивната матична земја, како што ја нарекуваат Македонија.
[уреди] Историја
Прв пат Гора се спомнува во 1348 година во едикт на царот Стефан Душан како жупа во Српската империја, кога седум села ги подарил на манастирот св.Архангел кај Призрен. Второто спомнување на Гора е од 1452/5 во турски дефтери како „нахија Гора“ во Османската империја.
