Лерин

Од Википедија, слободна енциклопедија

Оваа страница е заштитена од понатамошни измени додека содржината на текстот не се разреши на страницата за разговор.
За да ги видите претходните верзии, кликнете на врската историја.

Градот Лерин во зима

Лерин (грчки: Φλώρινα; изговор: Флорина) е град во западниот дел на периферијата Западна Македонија, и главен град на префектурата Лерин. Сместен е на западниот раб на Пелагонија во Леринското Поле, на надморска височина од 680 метри. Со железничка пруга градот е поврзан со Битола и Солун. Градот има 16.771 жител, од кои се смета дека значаен број е македонско население, поради што на локалното радио се емитува триесетминутна програма на македонски јазик. Покрај Грците и Македонците, во градот живеат и помал број на Турци. Во градот Лерин се наоѓа седиштето на организацијата на Македонците во Грција - Виножито.

Историја

Градот Лерин е основан за време на византиската епоха. Името веројатно потекнува од зборот χλωρό (македонски: зелено) што се однесува на климата и вегетацијата на областа. Како град и област со доминантно македонско население, Лерин во историјата дал голем број на македонски борци, револуционери и херои. Во времето на Отоманската империја, во Лерин и Леринско крстосувале повеќе македонски чети кои биле организирани од познатиот револуционер поп Коста од леринското село Буф. Врз основа на леринскиот говор во 1925 година грчката влада под притисок на лигата на народите ќе го изработи Букварот (Абецедарот) за учениците Македонци, кој по запалувањето на возот со кој бил транспортиран беше повторно издаден и промовиран во Солун и Атина во 2006 година. Лерин и леринско ќе дадат и голем број на партизани и борци во ДАГ за време на втората светска војна (1941 - 1945) и граѓанската војна во Грција (1945 - 1949), за што македонското население ќе доживее невиден терор, убиства, мачења и протерувања од своите огништа од страна на грчките власти. Најкрвав настан ќе биде убиството со обезглавување на повеќе млади Македонци и Македонки, од страна на грчките монархофашистички сили и англиските војници, среде бел ден во центарот на Лерин. Денес е актуелна состојбата со земјиштето на кое се наоѓа масовна гробница со тела на Македонци и Грци - борци на Демократската Армија на Грција кои загинале во битката за Лерин.

Треба да се напомене дека во податоците од Васил К'нчов и бугарската егзархија од крајот на XIX век, Македонците од Лерин и леринско биле попишувани како Бугари. По окупацијата од страна на Грција во 1913 година па сѐ до денес, во Лерин и леринско не се забележани жители кои имаат бугарско самосознание.

Населби

Според пописот од 2001, општина Лерин брои 16.771 жител. Населбите во неа се:

Народна секција Флорина (14.555 жители)

град Флорина (14.279 жители)
село Симос Јоанидис (Σίμος Ιωαννίδης) (Матешница) (276 жители)

Народна секција Алона

село Алона (Άλωνα) (Арменско) (237 жители)

Народна секција Арменохори

село Арменохори (Αρμενοχώρι) (Арменово) (1.063 жители)

Народна секција Корифи

село Корифи (Κορυφή) (Турје) (5 жители)

Народна секција Месонисио

село Месониси (Μεσονήσι) (Лажени) (227 жители)

Народна секција Проти

село Проти (Πρώτη) (Кладошница) (103 жители)

Народна секција Скопија

село Скопија (Σκοπιά) (Горно Невољани) (571 жители)

Народна Секција Тривуно (10 жители)

село Тривуно (Τρίβουνο) (Трсје) (5 жители)
село Калогерица (Καλογερίτσα) (Калугерица) (5 жители)

Видете исто така

Листа на села во Лерин

Надворешни врски

Официјален сајт на партијата на Македонците во Грција

Оваа статија поврзана со локација во Грција е никулец.
Може да помогнете со нејзиното проширување.

*Општини и заедници* на префектура Лерин**
Аетос • Аминдео • Като Клинес • Мелити • Перазма • Преспес • Филотас • Флорина
Варико • Кристалопиги • Лехово • Нимфео