Ногаевци
Од Википедија, слободна енциклопедија
Ногаевци е село во Општина Градско, во околината на градот Велес.
 |
Оваа статија поврзана со Македонија е никулец. Може да помогнете со тоа што ќе ја проширите. |
| Села во Република Македонија | |
|---|---|
| Мапа | |
| Име: | Ногаевци |
| Општина: | Општина Градско |
| Население: | 244 жители |
| Поштенски број: | - |
| Повикувачки број: | - |
| Надморска височина: | 260 метри |
| Географска широчина: | - |
| Географска должина: | - |
| Веб страница: | Нема |
Содржина |
[уреди] Географиja и местоположба
Селото Ногаевци се наоѓа на 18 километри јужно од Велес (19 км северно од Неготино) непосредно од левата странана меѓународниот автопат Е-75 и е сместено веднаш на левиот брег на реката Вардар. Ногаевци лежи на надморска височина од 260 метри, а куќите се распоредени во рамничарскиот дел на брегот на Вардар (Долно Маало) и на благите ридови (Горно Маало). Ногаевци се наоѓа во северниот дел на Општина Градско и претставува стојалиште на железничката пруга Скопје - Гевгелија.
[уреди] Историja
Поради самата местоположба на Ногаевци, на левиот брег на реката Вардар и близината до утоката на реката Брегалница во Вардар и античкиот град Стоби, населби во околината имало уште во антиката. Денешното село Ногаевци е настанато најверојатно во преиодот на чифлигарството за време на Отоманската империја. Селото Ногаевци за прв пат се споменува во турски пописен дефтер од 1467/68 година. Во самото село Ногаевци, на ридовите во Горното маало, постојат неколку куќи постари од 100 години со автентична македонска архитектура.
За потеклото на името постојат повеќе преданија и анегдоти. Во едната се вели дека селото го добило името според изгледот на својата местоположба. Недалеку од Ногаевци е вливот на Брегалница во Вардар, одоколните ридови се добива глетка на човечка нога.
За името на селото постои и една анегдота која вели дека пред да се изгради мостот секој што ќе поминел крај Вардар велел „Дигни ногавици“ и така местото го добило името Ногаевци. Според книгата „Речник на топонимите во областа на Сливот на Брегалница“ за селото Ногаевци се претпоставува дека името му потекнува од зборот „ногај“ што на монголски значи куче, а исто така било и лично име на татарски хан од 13 век.
За време на Втората светска војна, генералот Михајло Апостолски одејќи од Пехчево кон селото Горно Врановци при завршните операции за ослободување на Македонија, го минал Вардар со чун кај Ногаевци со помош на селаните за што постои и спомен плоча на една од куќите во селото во која престојувал генералот.
[уреди] Економија
Иако Ногаевци спаѓа во редот на неразвиени и запуштени рурални населби сепак селото е стопански и економски многу активно. Главното занимање на жителите е полјоделството и најмногу се одгледуваат градинарски култури и зеленчук поради алувијалната почва на бреговите на Вардар. Од градинарските култури најзастапени се пиперките, доматите, младиот кромид, морковот и зелката, од житните култури е застапена пченката, а од останатите култури застапени се тиквата и луцерката. Жителите своите производи ги продаваат најчесто на пазарите во Градско, Велес, Неготино, Кавадарци и Скопје. Над и спроти селото постојат бачила во кои презимуваат овците од Западна Македонија. Во Ногаевци работи млекарницата „Милком“ во која се вработени дел од жителите, а истотака работат и неколку фирми за ископување на песок од Вардар.
[уреди] Демографија
Во Ногаевци живеат 244 жители, сите Македонци.
Забележливо е тоа што во селото има бројно младо население и стапката на новородени е висока. Во селото има 67 домаќинства и околу 15 напуштени (празни) или разрушени (од забот на времето) куќи. Во Ногаевци има 1 домаќинство со 4 деца и неколку со по 3 деца што е реткост во селата населени со македонско и христијанско население во Македонија.
[уреди] Општествени институции
Во селото работи основното училиште „Даме Груев“ во кое учат 16 ученици од I до IV одделение. На крајот на селото работи прочистителна станица на реката Вардар која е изградена пред неколку години.
[уреди] Администрација и политика
Селото Ногаевци претставува месна заедница во рамките на Општина Градско.
[уреди] Културни и природни знаменитости
Во Ногаевци има црква „Свети Спас“ која најверојатно е изградена кон крајот на XIX век.
[уреди] Редовни настани
- Спасовден (10 јуни) - селска слава и патронен празник на селската црква
[уреди] Личности
[уреди] Култура и спорт
Во просториите на селското училиште во Ногаевци работи КУД „Спасовден“.
[уреди] Иселеништво
Првите миграциони процеси на иселување од Ногаевци се забележуваат по Втората светска војна, особено во педесетите и шеестите години на ХХ век. Најголемиот дел од иселеното население е иселено во Велес, а во многу мал број и во Скопје. Многу се ретки случаите на иселување во странство.
Со затворањето на повеќето фабрики во Велес, последниве години е забележително враќањето на иселените жители назад во Ногаевци.
