Шишево
Од Википедија, слободна енциклопедија
Шишево е село во Општина Сарај, во околината на градот Скопје.
 |
Оваа статија поврзана со Македонија е никулец. Може да помогнете со тоа што ќе ја проширите. |
| Села во Република Македонија | |
|---|---|
| Мапа | |
| Име: | Шишево |
| Општина: | Општина Сарај |
| Население: | 1131 жител |
| Поштенски број: | - |
| Повикувачки број: | - |
| Надморска височина: | - |
| Географска широчина: | - |
| Географска должина: | - |
| Веб страница: | Нема |
Содржина |
[уреди] Географиja и местоположба
Шишево се наоѓа во западниот дел на Скопската котлина на 13 километри оддалеченост од центарот на градот Скопје. Селото се наоѓа во источниот дел на Општина Сарај и е споено со селото Глумово од кое е одделено само со мостот и реката Треска. Шишево е сместено во алувијалната рамнина на десниот брег на реката Треска, на нејзиниот излез од кањонот Матка поради што селото има благопријатна клима во текот на целата година. Дел од селото (заедно со неколку викенд-куќи) е распослано и на ридовите кои се дел од масиовот на планините Водно и Буковиќ.
[уреди] Историja
Селото Шишево постои уште од средновековниот период. За тоа сведочат и остатоците и рушевините од средновековни манастири во месноста Манастириште која се наоѓа североисточно високо на ридовите над селото на патот кон Горни Грчец. Со доаѓањето на Турците, се менува етничкиот состав на селото со населување на неколку турски семејства но селото сепак го задржува својот македонски и христијански карактер кој го држи и ден денеска. Во текот на отоманскиот период, Шишево било село во Сарајот на Скопскиот бег кој тука имал изградено своја кула и конаци (од кои денес нема никакви остатоци) поради благопријатната клима и местоположба на селото на излезот од кањонот Матка, а во овој период селото го носело името „Качепури“. Кон почетокот на ХХ век се забележуваат првите населувања на Албанци на местото од Турците.
[уреди] Економија
Селото Шишево е економски развиена средина пред се поради својата близина до градот Скопје и својата специфична местоположба. Главна стопанска гранка на жителите на Шишево е земјоделството. На плодните ниви во алувијалната рамнина на реката Треска под голем број на пластеници и стакленици и на отворено се одгледува познатиот сочен шишевски домат, пиперки, краставици, кромид, лук, морков, зелка и др. Во помала мера се одгледува и пченка. Застапено е и сточарството преку одгледување на ситен и крупен добиток (овци, крави и телиња, свињи итн.). На блиските ридови на кои се изградени и повеќе викенд-куќи застапено е и овоштарството (јаболки, круши, сливи) и лозарството (постојат повеќе лозја од кои населението произведува домашни вино и ракија). Покрај земјоделството дел од населението на Шишево има или е вработено и свои приватни фирми во градежништвото, техниката, моторните масла и автомобилите кои успешно работат. Во Шишево постојат и неколку колонијални продавници и кафеани.
[уреди] Демографија
Шишево е едно од ретките села во Општина Сарај кое е етнички мешано и во кое Македонците претставуваат значаен дел од населението, односно се во благо мнозинство. Демографската слика на селото е поволна. Покрај традиционално високиот наталитет кај албанската заедница, забележлив е наталитетот и кај македонската, а во повеќе македонски куќи имаат 3 или 4 деца. Покрај старото население во селото е забележлив големиот број на помладо население.
Според пописот од 2002 година, во селото Шишево живеат 1131 жители, од кои:
[уреди] Општествени институции
Во селото Шишево работи основно училиште до четврто одделение, кое се наоѓа помеѓу куќите на подножјето на ридот. Во училиштето се оддржува настава на македонски (во 1 паралелка) и албански јазик. Децата од Шишево што се од македонска националност претежно ги посетуваат основното училиште во селото Сарај или училиштето „Мирче Ацев“ во населбата Ѓорче Петров во Скопје.
[уреди] Администрација и политика
Шишево административно е споено со селото Глумово (заеднички се води статистика за двете села), но сепак селото претставува посебна катастарска општина и месна заедница на територијата на Општина Сарај.
[уреди] Културни и природни знаменитости
- Шишевски манастир „Свети Никола“. Се наоѓа високо на стрмните падини на кањонот Матка на реката Треска, од нејзината десна страна.
- Црква „Свети Атанасиј“. Се наоѓа во самото село односно на ридот во непосредна близина на последните куќи селото во југо-источен правец на десниот брег на реката Треска.
Во селото Шишево постојат неколку постари македонски куќи со традиционална македонска архитектура од овој крај кои и покрај тоа што се во доста запуштена (и руинирана) состојба, сепак се населени и во нив живеат луѓе. Поради специфичната архитектура неопходно е заводот за заштита на културните споменици да ги земе овие куќи во својата заштита. Во селото постои и џамија.
[уреди] Редовни настани
- Селската слава „Свети Атанасиј“ во селската црква.
- Прослава на патрониот празник на Шишевскиот манастир „Свети Никола“.
[уреди] Личности
- Имер Селмани, актуелен поптретседател на Владата на РМ и министер за здравство, поранешен градоначалник на Општина Сарај.
[уреди] Култура и спорт
- ФК „Треска“ - На самиот почеток на селото од десната страна спроти последната автобуска станица на автобусот број 12 се наоѓа фудбалското игралиште на кое своите натпревари ги игра ФК „Треска“ која се натпреварува во регионалната фудбалска лига.
Младото население на селото активно спортува и во ФК „Македонија - Ѓорче Петров“ и во повеќе пливачки клубови во Скопје.
