Ѓорче Петров (населба)
Од Википедија, слободна енциклопедија
Ѓорче Петров е населба во крајниот западен дел на градот Скопје на излезот кон Тетово, во состав на истоимената Општина Ѓорче Петров. На исток населбата се граничи со населбите Влае и Хром, на југ се допира до десниот брег на реката Вардар, на север се граничи со месните заедници на населбите Даме Груев, Волково и селата Орман и Кучково.
[уреди] Население
Ѓорче Петров е населба со околу 18 700 жители од кои 94,5% се Македонци, 2% Срби, 2% Роми, 1% Албанци (претежно во западниот дел односно Ѓорче Петров II или Дексион) и 0,5% останати (претежно Власи и Бошњаци). Карактеристично за населението на Ѓорче Петров е тоа што тоа е по потекло од Западна Македонија (Тетово и тетовските села, Поречието, Гостивар и гостиварските села, Прилеп и прилепските села) кое тука му било првото место на доаѓање во Скопје.
[уреди] Историја на името
Населбата многу пати го има менувано своето име. Во времето на турското ропство на дел од подрачјето на денешната населба се наоѓало селото Оризари (постело некаде до 1960/65 година), а со доаѓањето на Србите по 1913 година населбата го добила името Анриево (по фрнацускиот генерал Анри), со окупацијата од страна на Бугарите населбата го добила името Генерал Жостов (по името на бугарски генерал) за по ослободувањето 1944/45 година населението на населбата едногласно (100%) да го даде денешното име спроед Македонскиот револуционер и великан Ѓорче Петров.
[уреди] Историја на населбата
За разлика од останатите скопски населби во западниот дел на градот кои датираат по ослободувањето 1944/45 година или по скопскиот земјотрес 1963 година, Ѓорче Петров е доста стара населба. Населбата се создала како железничка населба околу важната железничка станица на пругата кон Охрид на почетокот на XX век. Се до првата деценија од ослободувањето на Македонија од фашизмот во 1944 година Ѓорче Петров си била посебна населба која не влегувала во состав на градот Скопје, за дури некаде по земјотресот со изградбата на населбата Влае да се поврзе со општина Карпош и да влезе во состав на истоимената општина.
| Скопски маала и населби |  |
|
|---|---|---|
| Автокоманда | Аеродром | Бутел I | Бутел II | Влае | Водно | Волково | Гази Баба | Гоце Делчев | Дебар Маало | Дексион | Драчево | Ѓорче Петров | Жданец | Железара | Злокуќани | Илинден | Јане Сандански | Капиштец | Карпош I | Карпош II | Карпош III | Карпош IV | Кисела Вода | Кисела Јабука | Козле | Колонија Идризово | М.А. Ченто (Сингелиќ) | Маџари | Маџир Маало | Миладиновци | Момин Поток | Ново Лисиче | Пинтија | Пржино | Припор | Радишани | Скопје Север | Сопиште | Стајковци | Топанско Поле (Населба Васил Главинов) | Ќерамидница | Хиподром | Центар | Црниче | Чаир | Шуто Оризари | ||
