ലാപ്ടോപ്പ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ലാപ്ടോപ് കംപ്യൂട്ടര്‍ (നോട്ട്ബുക്ക് കംപ്യൂട്ടര്‍ എന്നും അറിയപ്പെടും) 1 മുതല്‍ 3 കിലോഗ്രാം വരെ ഭാരം വരുന്ന ഒരു ചെറിയ വഹനീയമായ പേര്‍സണല്‍ കംപ്യൂട്ടര്‍ ആണ്. പലതരം നോട്ട്ബുക്കുകള്‍ക്കും അതുപോലുള്ള കംപ്യൂട്ടറുകള്‍ക്കുമുള്ള പദങ്ങള്‍:
- ഒരു A4 കടലാസിനേക്കാള്‍ ചെറുതും 1 കി. ഭാരവും വരുന്ന നോട്ട്ബുക്കുകളെ സബ്-നോട്ട്ബുക്കുകള്‍ എന്നോ സബ്നോട്ട്ബുക്കുകള്‍ എന്നോ വിളിക്കും.
- 5 കി. ഭാരം വരുന്ന നോട്ട്ബുക്കുകളെ ഡെസ്ക്നോട്ടുകള്‍ (ഡെസ്ക്ടോപ്പ്/നോട്ട്ബുക്ക്) എന്ന് പറയും.
- ഡെസ്ക്ടോപ്പിന്‍റെ ശക്തിയുമായി മത്സരിക്കാന്‍ നിര്‍മ്മിച്ച അതിശക്തമായ (മിക്കവാറും ഭാരം കൂടിയ) നോട്ട്ബുക്കുകള്‍ ഡെസ്ക്ടോപ്പ് റീപ്ലേസ്മെന്‍റുകള്‍ എന്ന് അറിയപ്പെടും.
- പി.ഡി.എ.കളെക്കാള്‍ വലുതും നോട്ട്ബുക്കുകളെക്കാള്‍ ചെറുതും ആയ കംപ്യൂട്ടറുകളെ പാംടോപ്പുകള്‍ എന്ന് വിളിക്കുന്നു.
ലാപ്ടോപ്പുക്കള്‍ ബാറ്ററികളാലോ അഡാപ്റ്ററുകളാലോ പ്രവര്‍ത്തിക്കുന്നു. അഡാപ്റ്ററുകള്‍ വൈദ്യുതി ഉപയോഗിച്ച് ബാറ്ററികള്‍ക്ക് ഊര്‍ജ്ജം നല്‍കുന്നു.
ഡെസ്ക്ടോപ്പ് കംപ്യൂട്ടറുകള്‍ക്ക് ചെയ്യാന്‍ കഴിയുന്ന പല കാര്യങ്ങളും ലാപ്ടോപ്പുകള്‍ക്ക് ചെയ്യാന്‍ കയിഴും, പക്ഷെ അതേ വിലയ്ക്ക് മിക്കവാറും ശക്തി കുറവായിരിക്കും. ലാപ്ടോപ്പുകളിലെ ഭാഗങ്ങള്‍ ഡെസ്ക്ടോപ്പുകളിലുള്ളവ പോലെയുള്ളതും അതേ കര്‍തവ്യങ്ങള്‍ ചെയ്യുന്നതും ആണെങ്കിലും ചെറുതാക്കിയതും വഹനീയതയ്ക്കും വൈദ്യുതിലാഭത്തിനും വേണ്ടി പ്രത്യേകം തയ്യാറാക്കിയതും ആണ്. ലാപ്ടോപ്പുകളില്‍ മിക്കവാറും ലിക്വിഡ് ക്രിസ്റ്റല്‍ ഡിസ്പ്ലേകളും RAM-നുവേണ്ടി SO-DIMM (സ്മാള്‍ ഔട്ട്‍ലൈന്‍ DIMM) മൊഡ്യൂലുകളും ഉപയോഗിക്കാറുണ്ട്. ചേര്‍ത്തുണ്ടാക്കിയ കീബോര്‍ഡിനുപുറമെ അവയ്ക്ക് ഒരു ടച്ച്പാഡ് (ട്രാക്ക്പാഡ്) അല്ലെങ്കില്‍ പോയിന്‍റിങ്ങ് സ്റ്റിക്ക് എന്നിവയും ഉണ്ടായിരിക്കും. മാത്രമല്ല, ബാഹ്യമായ മൗസോ കീബോര്‍ഡോ ബന്ധിക്കാം.
