ലോകചരിത്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ലോകചരിത്രം എന്ന പദം കൊണ്ട് പൊതുവേ അര്‍ത്ഥമാക്കുന്നത് മനുഷ്യന്റെ ചരിത്രമാണ് - അവന്‍ ഹോമോ സാപ്പിയന്‍ ആയി പ്രത്യക്ഷപ്പെട്ട കാലം മുതല്‍ ഇന്നു വരെയുള്ള ചരിത്രം.
[തിരുത്തുക] പുരാതന ശിലായുഗം
പുരാതന ശിലായുഗം അഥവാ പാലിയോളിതിക്ക് കാലഘട്ടം എന്നത് ശിലായുഗത്തിന്റെ ആദ്യ ഘട്ടമാണ്.
ജനിതക ശാസ്ത്രവും ഫോസ്സിലുകളും നല്‍കുന്ന ശാസ്ത്രീയമായ തെളിവുകളുടെ വെളിച്ചത്തില്‍, ഇന്നത്തെ ഹോമോ സാപ്പിയന്റെ ഉല്‍ഭവം ആഫ്രിക്കയിലാണ് ഉണ്ടായത്. ഒരു നീണ്ട പരിണാമ പ്രക്രിയയുടെ ഫലമായി നടന്ന ഈ ഉല്‍ഭവം സംഭവിച്ചിരിയ്ക്കുക ഏകദേശം 200,000 കൊല്ലങ്ങള്‍ക്കു മുന്‍പ് പാലിയോളിതിക്ക് കാലഘട്ടത്തിലാണ് എന്നാണ് സൂചനകള്‍. മനുഷ്യന്റെ മുന്‍‌ഗാമികള്‍, ഉദാ: ഹോമോ ഇറക്റ്റസ്, ആയിരക്കണക്കിനു വര്‍ഷങ്ങളോളം ലളിതമായ ആയുധങ്ങളും ഉപകരണങ്ങളും ഉപയോഗിച്ചുവന്നിരുന്നു, പക്ഷേ കാലത്തിനനുസരിച്ച് ഉപകരണങ്ങള്‍ മെച്ചപ്പെടുകയും പുരോഗമിയ്ക്കുകയും ചെയ്തുവന്നു. പാലിയോളിതിക്ക് കാലഘട്ടത്തിലെപ്പോഴോ മനുഷ്യന്‍ ഭാഷയ്ക്കു രൂപം നല്‍കി; മാത്രമല്ല, മരിച്ചവരെ അടക്കുക (ഇതു സൂചിപ്പിയ്ക്കുക ഒരു തരം ഉള്‍ക്കാഴ്ചയെയാണ് - മരണം എന്നത് പ്രതിഭാസം വേറേ എന്തോ ആയി തെറ്റിധരിച്ചിരിയ്ക്കാമായിരുന്ന ഈ സമൂഹം, ചീയുന്ന ശവശരീരങ്ങളെ കണ്ട് അതില്‍ നിന്ന് മനസ്സിലാക്കിയതാവാം) പോലുള്ള ചടങ്ങുകള്‍ക്കും തുടക്കമിട്ടു.
ഈ കാലഘട്ടത്തിലെ മനുഷ്യന്‍, തന്റെ സൌന്ദര്യം വര്‍ദ്ധിപ്പിക്കാനായി വസ്തുക്കള്‍ കൊണ്ട് തന്നെതന്നെ അലങ്കരിച്ചിരുന്നു. ഈ കാലയളവില്‍ എല്ലാ മനുഷ്യരും നാടോടികളായി വേട്ടയും ശേഖരണവും വഴി ജീവിച്ചുപോന്നു.
