Opossum ta' denbu sufi

Minn Wikipedija, l-enċiklopedija ħielsa.

Opossum ta' denbu sufi

Opossum ta' denbu sufi Glironia venusta

Scientific classification

Renju:	Animalia
Fajlum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Glironiinae (Hershkovitz, 1992)
Ġeneru:	Glironia (Thomas, 1912)
Speċi:	G. venusta

Isem binominali

Glironia venusta
(Thomas, 1912)

Firxa ta' l-Opossum ta' denbu sufi Glironia venusta

L-Opossum ta' denbu sufi, magħruf xjentifikament bħala Glironia venusta, huwa mammiferu marsupjal notturnu, tal-familja Didelphidae (didelfidu), fl-ordni Didelphimorphia (didelfimorfju), nativ tal-kontinent ta' l-Amerika ta' isfel.

Dan huwa speċi ta' opossum b' morfoloġija addatata għal ħajja fis-siġar u dejjem insab jgħix f' abitat ta' foresti tax-xita jew pluvjali f' elevazjonijiet bejn 300 u 1000 metru 'l fuq mil-livel tal-baħar.

[editja] Deskrizjoni

L-Opossum ta' denbu sufi għandu l-pil kannella fl-oranġo, b' 2 linji suwed fuq rasu madwar l-għajnejn għal fuq l-imnieħer li jiffurmaw maskla u linja oħra griża tifred lil dawn it- 2 minn fuq l-imnieħer sal-widnejn bla pil lewn kannella skur fl-iswed. Glironia venusta adult jikber bejn 16 u 20.5 ċentimetri eskluż id-denb li jkun ġeneralment itwal mil-ġisem b' tul ta' bejn 19.5 u 20.5 ċentimetri. Uniku fost l-opossumi dan il-marsupjal għandu denb sufi u piluż ħafna kważi matul it-tul kollu, kemm man-naħa ta' fuq kif ukoll mal-ġnub u dan il-fattizz partikolari jintuża fl-isem komuni ta' din l-ispeċi.

[editja] Dieta

L-Opossum ta' denbu sufi huwa annimal omnivoru u d-dieta prinċipali tikkonsisti minn frott, nettari, insetti u annimali vertebrati u invertebrati żgħar oħra u bajd.

[editja] Distribuzjoni

Minn dan l-opossum rari inqabdu 9 eżemplari biss u laħħar wieħed kien maqbud fl-1989 (Tarifa u Anderson, 1997). Dan għandu distribuzjoni ristretta u l-eżemplari inqabdu kollha fil-foresta tax-xita jew pluvjali ta' l-Amażonja fil-Bolivia, Brazil, Ekwador u Peru.

[editja] Riproduzjoni

Ftit li xejn hemm informazjoni dwar ir-riproduzjoni ta' Glironia venusta, ħlief li l-organi riproduttivi huma simili ta' l-opossumi tal-ġeneru Caluromys. I l-mara għandha 4 mammae jew sidra (żejżiet) u dan juri li 'l-botna huma anqas numerużi minn dawk tal-biċċa l-kbira ta' l-opossumi tas-sottofamilja Didelphinae. l-Opossum ta' denbu sufi mhuwiex magħmra b' marsupju u dan jindika li l-friegħ sakemm jiżviluppaw jinżammu imqabdin mal-pil fuq in-naħa taż-żaqq ta' l-omm.

[editja] Klassifikazjoni

Dan il-ġeneru huwa monotipiku (għandu speċi waħda) u l-klassifikazjoni tiegħu mhijiex 100%. Meta jiġi klassifikat fil-familja Didelphidae, f' uħud mil-klassifikazjonijiet ikun għalih waħdu fil-familja Glironiinae,

Ordni Didelphimorphia
- Superfamilja Didelphoidea
  - Familja Didelphidae
    - Sottofamilja Glironiinae
      - Ġeneru Glironia
        
        Opossum ta' denbu sufi, Glironia venusta

u f' oħrajn parti mis-sottofamilja Caluromyinae.

Ordni Didelphimorphia
- Superfamilja Didelphoidea
  - Familja Didelphidae
    - Sottofamilja Caluromyinae
      - Ġeneru Glironia
        
        Opossum ta' denbu sufi, Glironia venusta

Fi skemi oħrajn kemm il-darba jiġi klassifikat fil-familja Caluromyidae (is-sottofamilja Caluromyinae elevata f' livel ta' familja),

Ordni Didelphimorphia
- Superfamilja Didelphoidea
  - Familja Caluromyidae
    - Ġeneru Glironia
      - Opossum ta' denbu sufi, Glironia venusta

jew fil-familja Glironiidae (is-sottofamilja Glironiinae elevata f' livel ta' familja).

Ordni Didelphimorphia
- Superfamilja Didelphoidea
  - Familja Glironiidae
    - Ġeneru Glironia
      - Opossum ta' denbu sufi, Glironia venusta

[editja] Referenzi

Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 4. ISBN 0-801-88221-4
Eisenberg, John F.; Kent H. Redford (2000). Mammals of Neotropics: Ecuador, Bolivia and Brazil.

[editja] Link Esterni

New World Marsupial Specialist Group 1996.Glironia venusta In: IUCN 2006. 2006 IUCN Red List of Threatened Species. Downloaded on 19 January 2007.
The Paleobiology Database.
Tassonomija tal-Mammiferi.
ADW information

Retrieved from "http://mt.wikipedia.org../../../o/p/o/Opossum_ta%27_denbu_sufi.html"

Category: Didelphimorphia