Scots
From Wikipedia
Scots is 'n Süsterspraak vun't Ingelsche; se sünd beide vun't Ooltingelsche afkamen, dat Schottsche vun't Ooltingelsche vun Northumberland in Noordingland. Scots is nich „Schottsch Ingelsch“ (Scottish English) un ok nich „Schottsch (Gäälsch)“ (Scottish Gaelic, Gàidhlig). Nee, dat is 'n egenstännige Spraak un deit nu ok vun Amt ut as egenstännig gellen.
Scots is de Spraak vun de mehrsten Gedichten vun Robert Burns (Scots Rabbie Burns, 1759–1796) un 'n Barg annere schottsche Dichterlüüd.
Een schottschen Utdruck is in de hele Welt bekannt: Auld Lang Syne („ole, lang vergahne Tiet“) vun Burns sien Fründschopsleed, dat nu allerwegens an'n Ooltjohrsavend sungen warrt.
