Blauw paapjen (Parus caeruleus)
Van Wikipedie
't Blauwe paapjen (Latien: Cyanistes caeruleus vrogger: Parus caeruleus) is 's wienters in de Lege Landen vaak in de tuun te zien, veural as minsen pinda's of een are voegelvoersoort in een zakjen op-ehangen hen. Blauwe paapjes bin iezig lenig en hangen behendig an zo'n zakjen en weten zoender al te veul meuite de noet uut de schaol te pikken. Hier bin de are voegels meestentieds wat lomphendig mee.
Onderwarpen |
[bewark] Kenmaarken
't Blauwe paapjen het een opvallend verenpak mit zien kobaltblauwe kruun, start en vleugels die prachtig ofsteken tegen 't geel van zien oenderkant. Mannetjes en vrouwtjes lieken iezig op mekaar (vrouwtjes bin vaak wat matter ekleurd). As ie nog jong is, dan is op de kop wat greunachtig in plaots van blauw en op de wang wat gelerig. Ze bin mit d'r elf tot twaalf centimeter (van snavelpunt tot starteinde) wat kleiner as de biejevreter. 't Geluud van een blauw paapjen klinkt as: tsie tsie tsie tirrrr
[bewark] Veurkommen
't Antal blauwe paapjes is beheurlijk en oek 't gebied waor ze veurkommen is aorig groot. Hie brodt in zwat heul Europa tot in 't zujen van Scandinavië. Alleen in 't noordelijk deel van zien verspreijingsgebied is ie gedeeltelijk trekvoegel over kortere ofstanden naor 't zujen.
[bewark] Levenswieze
't Blauwe paapjen brodt in loofbossen, gemingde bossen, hegen, parken en tunen. Hie nestelt in boomholtes, gaoten in muren en nestkastjes. 't Blauwe paajen het een veurkeur veur een klein vlieggat van 26-28 mm deursnee, daordeur kunnen de wat grotere biejevreters oek niet binnenkommen. 't Grappige is dat een nestkast mit een te groot gat soms 's zoemers deur blauwe paapjes gebruukt wordt um te brodden en 's wienters deur biejevreters um te overnachten.
[bewark] Taxonomie
't Blauwe paapjen is vanouds part van 't geslacht Parus. Deur nieje ontwikkelingen bin der ornithologen (veural Amerikanen) die 't blauwe paapjen in een ampart geslacht plaotsen, namelijk Cyanistes. De binomiaole naam wordt dan Cyanistes caeruleus.
[bewark] Galderie
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
[bewark] Zie ok
[bewark] Uutgaonde verwiezingen
- SoortenBank.nl - beschrieving, ofbeeldingen en geluud
- Blauw paapjen: nest 2006; deel (1), (2), (3), (4), (5), (6), (7), (8), (9), (10), (11) op Google Video
- Google video videofragment (3 min.) van jonge blauwe paapjes die veur 't eerst uutvliegen
 |
Meer ofbeeldingen dee bie dit onderwarp heuren ku-j vienen op de pagina Parus caeruleus van Wikimedia Commons. |
 |
