Bornholm
Frå Wikipedia – det frie oppslagsverket
| Bornholm | |
|---|---|
 Hamna Tejn på Bornholm |
|
| Geografi | |
 |
|
| Stad | Austersjøen |
| Koordinatar | |
| Areal | 588,40 km² |
| Administrasjon | |
| Land | Danmark |
| Kommune | Bornholms regionskommune |
| Demografi | |
| Folketal | 43 040 (2007) |
| Folketettleik | 73 /km² |
Bornholm er ei av dei austlege øyane i Danmark, og vert òg kalla klippeøya på grunn av dei mange klippene her. Heile øya høyrer til Bornholms regionskommune.
Øya har form som ein rombe eller firkant - der kvar side er om lag 40 km lang, noko som gjer øya til et egna utfluktsmål med sykkel. Dei tidlegare jernbanelinjene på øya er i dag gjort om til sykkelstiar og snor seg fint gjennom terrenget med svake stigningar. Rykte skal ha det til at jernbanen passerte forbi gardane til kvart medlem av styret på øya, og at dette forklarar dei svingande linjene.
Alle større tettstader på øya ligg ved kysten og har ei hamn, bortsett frå Aakirkeby. Den største byen på øya heiter Rønne. Andre tettstader er Hasle, Allinge, Sandvig, Gudhjem, Svaneke og Nexø.
Tidlegare var fiske ei viktig næring på Bornholm, og røykelaks og røykt sild frå Austersjøen var neste verdskjend. Forureining i vatnet har derimot ført til mindre fisk, sjølv om turistar framleis kan smake ferske røykevarer frå havet i Gudhjem, Svaneke, Aarsdale og Nexø.
Turisme utgjer ein viktig del av inntektene i moderne tid, og av turistattraksjonar finn ein:
- Hammershus
- Skogen Almindingen med Rytterknægten, Ekkodalen og Rokkestenen
- Stranda ved Dueodde
- Klippeparti mellom Hasle og Hammershus, Jons Kapel
- Rundkyrkjene i Østerlars, Olsker, Nylars og Nyker
Forfatteran Martin Andersen Nexø og malaren Oluf Høst er fødd på Bornholm.
