J.C. Dahl
Frå Wikipedia – det frie oppslagsverket
Johan Christian Klausson Dahl (24. februar 1788–14. oktober 1857) var ein norsk kunstmålar. Han vert ofte omtala som J. C. Dahl eller I. C. Dahl.
Han blir rekna som den første norske biletkunstnaren som kunne måla seg med europeiske meistrar, og som ein av grunnleggjarane av den nasjonalromantiske kunsten som oppstod ved byrjinga av 1800-talet.
Dahl blei fødd i Bergen i 1788 som den eldste av fleire søsken. Far hans var fiskar og flyttmann. I.C. Dahl skulle eigentlig bli handverksmålar, men etter kvart som talentet hans blei oppdaga, blei han hjulpen økonomisk av Lyder Sagen & Co slik at han kunne gå på teikeskole. Dahl studerte mellom anna hjå Johan F. L. Dreier og seinare på Universitetet i København.
I København bygde han seg opp eit namn og flytta seinare til Dresden der han blei professor ved kunstakademiet. Her la han grunnlaget for den norske nasjonalromantiske retningen. Dahl var på stadige besøk til Noreg for å få inspirasjon.
