Mariske språk

Frå Wikipedia – det frie oppslagsverket

Mariske språk er språka austmarisk (eller engmarisk) og vestmarisk (eller fjellmarisk). Desse to språka utgjer den mariske greina i den uralske språkfamilien. Tidlegare vart dei, i lag med mordvinsk, sett på som ei felles grein volgaiske språk, dette synet har no ikkje lenger støtte, i og med at det ikkje har vore mogleg å rekonstruere eit volgaisk urspråk som skulle utelukke nabofamiliane austersjøfinsk og permisk.

Innhaldsliste

1 Eitt språk eller to
2 Skriftspråk
- 2.1 Austmarisk
- 2.2 Vestmarisk
3 Språklege skilje
4 Døme på aust- og vestmarisk

[endre] Eitt språk eller to

Skiljet mellom dei to mariske språka er av ny dato, frå 1920-talet, då den sovjetiske språkpolitikken vart sett i verk: alle minoritetane skulle få skolegang på sitt eige morsmål. Det går eit dialektskilje gjennom det mariske språkområdet, og dette vart gjort til skriftspråksskilje. Tidlegare hadde marisk vorte skrive utan ei fast norm, men mest med utgangspunkt i austmarisk. Nokre språkforskarar har sett dette som eit døme på ein sovjetisk splitt-og-hersk-politikk, der målet var å gjere minoritetane så mange og små som mogleg. På den andre sida er spesielt vestmariarane oppgjeve over det dei opplever som austmarisk kunnskapsløyse om vestmarisk, og det hendar at mariarar dermed bruker russisk seg i mellom over språkgrensa.

På den andre sida er det ein sterk marisk identitet blant mariarane, dei ser på seg sjølv som eitt folk med eitt språk, til skilnad frå t.d. mordvinarane, der det framforalt er utlendingar som snakkar om eitt mordvinsk språk, dei sjølv ser på to ulike språk, erzja og moksja.

[endre] Skriftspråk

[endre] Austmarisk

А а	Б б	В в	Г г	Д д	Е е	Ё ё	Ж ж
З з	И и	Й й	К к	Л л	М м	Н н	Ҥ ҥ
О о	Ö ö	П п	Р р	С с	Т т	У у	Ӱ ӱ
Ф ф	Х х	Ц ц	Ч ч	Ш ш	Щ щ	Ъ ъ	Ы ы
Ь ь	Э э	Ю ю	Я я

[endre] Vestmarisk

А а	Ä ä	Б б	В в	Г г	Д д	Е е	Ё ё
Ж ж	З з	И и	Й й	К к	Л л	М м	Н н
О о	Ö ö	П п	Р р	С с	Т т	У у	Ӱ ӱ
Ф ф	Х х	Ц ц	Ч ч	Ш ш	Щ щ	Ъ ъ	Ы ы
Ӹ ӹ	Ь ь	Э э	Ю ю	Я я