Paul Motian
Frå Wikipedia – det frie oppslagsverket
Paul Motian (f. 25. mars 1931) er ein amerikansk jazztrommeslagar.
Motian vart fødd i Rhodes Island og er av armensk avstamming. Han flytta til New York i 1954. Etterkvart vart han kjend for dei ulike pianotrioane han arbeidde med. Frå 1959 til 1964 spelte han i Bill Evans sin trio, i første omgang med bassisten Scott LaFaro. Her utvikla han ein spelestil som la relativt meir vekt på samspelet med dei andre musikarane enn på rolla som «time keeper». Seinare spelte Motian i Paul Bley (1963-4) og Keith Jarrett (1967-1976) sine trioar.
I 1970-åra byrja Motian å komponere materiale sjølv, og han gav ut plater på plateselskapet ECM. Sidan denne tida har han arbeidd med mellom andre Charlie Haden, Bill Frisell, og Joe Lovano. I byrjinga av 1990-åra starta han Electric Bebop Band med ein besetning beståande av to saksofonistar og to gitaristar. I tillegg er Motian mykje etterspurd som studiomusikar på plateinnspelingar med ei rekkje ulike jazzartistar.
