PLO
Frå Wikipedia – det frie oppslagsverket
Den palestinske frigjeringsorganisasjonen (PLO) (arabisk: Munazzamatu t-tahrîri filistînîya | engelsk:Palestinian Liberation Organization) vart oppretta den 29. mai 1964 i Aust-Jerusalem, som den gongen var ein del av Jordan. Frå grunnlegginga heiter det at «palestinske arabarar har legitim rett til heimlandet sitt». PLO fungerar som ein paraplyorganisasjon for fleire frigjeringsgrupperingar i Palestina-området; mellom anna al-Fatah, as-Saiqa og Folkefronten for frigjering av Palestina.
PLO har, fram til Hamas vann fleirtal i eit demokratisk val til dei palestinske styresmaktene, kravd og fått aksept for retten til å vere den einaste representanten for det palestinske folket i internasjonale fora.
Yassir Arafat var leiaren av PLO frå 1968 fram til han døydde den 11. november 2004, og Mahmoud Abbas tok over som leiar. Abbas vart òg seinare vald til president i Palestina.
I 1996 gjorde PLO eit intensjonsvedtak om at PLO-charteret skulle endrast sånn at utslettinga av staten Israel ikkje lenger var eit uttala mål. Intensjonsvedtaket vart ikkje fulgt opp, og PLO-charteret er framleis ikkje endra. (2006) Den sitjande regjeringa i dei palestinske styresmaktene har komme ut av ein organisasjon som står på utsida av PLO-systemet, Hamas.
