Septuaginta
Frå Wikipedia – det frie oppslagsverket
Septuaginta er ei før-kristen omsetting av Det gamle testamentet og nokre nærskylde skrifter til gresk. Den blir først nemnt i brev frå Aristeas. Brevet er falskt, men vart skrive omkring 200 fvt.. I brevet blir det fortalt at 72 lærde jødar, seks frå kvar av dei tolv israelske stammane, sto bak omsettinga. Frå dette kjem namnet septuaginta, som er gresk for 70. I teologisk litteratur blir tittelen ofte korta ned til romertalet LXX.
Samlinga inneheld 46 gammaltestamentlege bøker, det vil si dei 39 bøkene i den jødiske kanon (i jødisk tradisjon blir desse delt opp i kun 24 bøker) samt dei deuterokanoniske skriftene. Dei sistnemnte, som det er sju av, utgjer ein del av den katolske og den ortodokse Bibelen. I motsetnad til ein del moderne bibelutgåver der dei deuterokanoniske bøkene er tatt med, er desse ikkje plassert i ein egen del, men er sett mellom dei andre bøkene i en forsøksvis kronologisk/tematisk orden. I tillegg til desse kjem fire skrifter og ein salme som berre er rekna som kanoniske i nokre einskilde kyrkjesamfunn. Septuaginta er den offisielle versjon av Det gamle testamentet i Den ortodokse kyrkja, sjølv om nokre av bøkene ikkje blir rekna som kanoniske.
[endre] Den jødiske kanonen
- Første Mosebok
- Andre Mosebok
- Tredje Mosebok
- Fjerde Mosebok
- Femte Mosebok
- Josva
- Domarane
- Rut
- Første Samuelsbok
- Andre Samuelsbok
- Første Kongebok
- Andre Kongebok
- Første Krønikebok
- Andre Krønikebok
- Esra (GT)
- Nehemja (GT)
- Ester
- Job
- Salmenes bok
- Salomos ordspråk
- Forkynnaren
- Høgsongen
- Jesaja
- Jeremia
- Klagesongane
- Esekiel
- Daniel
- Hosea
- Joel
- Amos
- Obadja
- Jona
- Mika
- Nahum
- Habakkuk
- Sefanja
- Haggai
- Sakarja
- Malaki
[endre] Dei deuterokanoniske bøkene
- Tobit
- Judit
- Den greske Ester-boka (blir ikkje talt som ei eiga bok, men som tillegg til Esters bok)
- Visdomens bok
- Sirak
- Baruk
- Tillegg til Daniels bok (blir ikkje talt som ei eiga bok, men som tillegg til Daniels bok)
- Første Makkabeerbok
- Andre Makkabeerbok
[endre] Tillegg
- Jeremias brev
- Manasses bønn
- Tredje Esra (Første Esdras)
- Fjerde Esra (Andre Esdras)
- Salme 151
