Blattaria
Un article de Wikipèdia, l'enciclopèdia liura.
| Babaròta | |||||||||
|---|---|---|---|---|---|---|---|---|---|
 |
|||||||||
| Gromphadorhina portentosa | |||||||||
| Classificacion classica | |||||||||
| Renhe | Animalia | ||||||||
| Embrancament | Arthropoda | ||||||||
| Sosembr : | Hexapoda | ||||||||
| Classa | Insecta | ||||||||
| Sosclassa | Pterygota | ||||||||
| Infra-classa : | Neoptera | ||||||||
| Superòrdre | Orthopteroidae | ||||||||
| Òrdre | Blattaria | ||||||||
| Taxons de reng inferior | |||||||||
familhas :
|
|||||||||
| Classificacion filogenetica | |||||||||
Position :
|
|||||||||
| d'aprèp Classificacion filogenetica del vivent (veire arbre filogenetic) |
|||||||||
| Percorrètz la biologia sus Wikipèdia :
|
|||||||||
Las babaròtas constituisson l'òrdre dels blattoptèrs (Blattaria — tanben Blattodea —).
La babaròta es un insècte de l'òrdre dels blattoptèrs que qualques espècias vivon en comensals amb l'òme, principalament dins las cosinas ont se noirisson de rèstas, rebuts e provisions.
Las qualques 4000 espècias repartidas altorn de la planeta varian en fòrma, color e talha. Son aparegudas sus la Tèrra, fa apr'aquí 400 milions d'annadas.
En França, quatre espècias introduchas en Euròpa al cors dels sègles darrièrs existisson :
- la babaròta germanica (Blattella germanica),
- la babaròta raiada (Supella longipalpa),
- la babaròta orientala (Blatta orientalis),
- la babaròta americana (Periplaneta americana).
Somari |
[Modificar] Classificacion
Òrdre: dictioptèrs Familha: blattidats
[Modificar] L'animal el meteis
[Modificar] Morfologia
La talha dels adults pòt variar d'1 a 5 cm. Lor còs a una fòrma ovala, aplatida dorsò-ventralament.
Lor coloracion pòt anar de jaunastre a negre. Lo cap pòrta d'antenas longas e finas formadas d'un grand nombre d'articles. Las pèças bucalas son de tipe trissador. Lo torax es recobèrt al davant pel pronotum. Las babaròtas pòrtan dos parelhs d'alas, mas en general, se desplaçan sustot en corrent sul substrat. A l'extremitat posteriora de l'abdomèn, se tròba dos apendixes sensorials : las cercas.
[Modificar] Alimentacion
La matèria vegetala mòrta es un element fondamental de lor noiridura, i comprés lo papièr. Pòdon çaquelà èstre omnivòras.
Totas denadas, en particular las substàncias sucradas e los feculents las interèssan. Daissan una odor desplasenta suls aliments qu'embrutisson. Aiman la sang fresca o dessecada, los excrements, los escopits. Las babaròtas son susceptiblas de se noirir als despens de teissuts, de papièrs, de cadavres de lors congenères. Pòdon doncas trobar de noiridura dins los immòbles d'abitacion, e dins los locals ont son estocadas o manipuladas de denadas.
[Modificar] Reproduccion
La femèla pond fins a 8 pòchas contenent caduna fins a 40 uòus. Los uòus son incubats entre 20 e 28 jorns. La femèla pond alara de 1 a 4 ootècas (o còcas), podent conténer fins a 35 nimfas. Las larvas venon adultas en un centenat de jorns.
[Modificar] Vida
A las babaròtas lor agrada l'escuritat. S'amagan quand lo jorn (la lutz) apareis. Dins los apartaments, recèrcan los recantons escurs cauds e umids. Sortisson lo ser per se noirir. Doncas, quand d'individús apareisson fortuitament descobèrts, en preséncia del jorn, lor nombre es grand, l'infestacion es avançada! Totes los estadis son omnivòrs e las larvas tant voraças coma los adults. I a pas d'estadi larvar çò la babaròta perque es emimetabòla.
[Modificar] Particularitats
Las babaròtas vivent dins los apartaments son d'insèctes gregaris. Produson una feromòna d'agregacion. S'agís d'una substància odoranta incitant los individús d'una meteissa espècia a se recampar. De recèsses ont lors excrements son abondants apareisson. A aqueste endrech, los insèctes son en securitat. L'abondància dels excrements e de la feromòna indica a las babaròtas que lor amagatal es pas encara estat descobèrt per lors enemics (los abitants del lòtjament). Experimentalament s'obsèrva que las babaròtas se desvolopan mens lèu quand son isoladas. De mai, se noirisson plan mai en preséncia d'aquesta feromòna.
Las babaròtas vivon en gropes pichons de tipe familial. Aquestes grops se compausan d'individús de meteissa edat e probablament nascuts de la meteissa maire. Dins las abitacions, aquestes grops s'acampan per formar de comunautats grandas de centenats o quitament de milièrs d'individús. Çaquelà, lo concèpte de ierarquia o d'especializacion dels prètzfaches es inexistent. Cada individú es autònom.
[Modificar] Santat
[Modificar] Medicaments
Las babaròtas èran utilizats dins la Grècia e la China anticas, coma medicaments.
[Modificar] Agents patogèns retrobats çò las babaròtas
| Grop | Agents patogèns |
| Virús | epatiti
poliomieliti |
|
Bacterias |
Escherichia coli, Mycobacterium leprae, Klebsiella pneumoniae, Proteus vulgaris, Pseudomonas aeruginosa, Salmonella spp. (dont S. typhi e S. typhimurium), Serratia marcescens, Shigella spp., Staphylococcus aureus, Streptococcus faecalis, Yersinia pestis |
|
Aspergillus fumigatus |
|
|
Protozoaris |
Entamoeba histolytica |
|
Elmintes |
Enterobius vermicularis, Trichuris trichiura, Ascaris lumbricoides, Ancylostoma duodenale, Necator americanus |
d'aprèp N.R.H. Burgess (1984)
[Modificar] Lucha contra las babaròtas
Las babaròtas an una capacitat d'adaptacion fortassa, e s'acostuman de generacion en generacion als divèrses poisons prepausats per l'òme per sos repaisses. Cèrtas tendas utilizan l'odor de la femèla per atraire los mascles.
[Modificar] Modificacion de l'abitat
Per contra-rotlar sul tèrme long la proliferacion de las babaròtas, cal redusir al maximom las fonts de noiridura, d'aiga e de recès necessaris a lor subrevida. Los locataris d'un immòble devon collaborar al programa de contra-ròtle per assegurar son succès. En efièch, los tractaments massisses amb d'insecticidas pòdon far migrar la màger part de las populacions vèrs los lòtjaments vesins.
[Modificar] Dins las bibliotècas (en defòra de las abitacions)
Los produches fito-sanitaris regulators de creissença (RCI) e los insecticidas remanents pòdon èstre aliats. Lo RCI aplicat als luòcs infestats per las babaròtas, transfòrma lo darrièr estadi ninfal en un adult qu'a las alas tòrtas e qu'es esteril. Lo metoprèn (Dianex) e l'idroprèn (Gencor) son correntament utilizats uèi.
Los atraches quimics son utils.
La màger part de las babaròtas son atrachas eficaçament per : l'atrach al propoxur (atrach Baygon a 2 % per babaròtas) e la pasta d'acid boric (MRF 2.000 Blue Diamond).
