Kiel

Da Wikipedia.

Test an lenga piemontèisa

Kiel a l’é na sità dla Germania ëd 229.044 abitant. A l'è la capital e la sità pì popolà dël Land (Stat Federal) dlë Schleswig-Holstein.

Contnù

1 Geografìa
2 Stòria
3 Economìa
4 Aministrassion
5 Sità gemelà

[modìfica] Geografìa

As treuva an sël Mar Bàltich e an particular an slë strèit Ansen ëd Kiel (Kieler Förde).

[modìfica] Stòria

Kiel a l'è stàita fondà tra ël 1233 e ël 1242 e a l'è stàita, ant ël cors dij sécoj, sità autònoma dla Lega Anseàtica, ùnich sboch sël mar dël teritori dla Sassònia, part dël Sacr Roman Imperi, possediment dla corona ëd Danimarca, dë Svessia, e part ëd la Confederassion Alman-a. Vers la fin ëd l'Eutsent Kiel a dven la sede dij quartié generaj ëd la marin-a prussian-a e ël prinsipal pòrt militar dla flòta alman-a, grassie ëdcò a la duvertura, ant ël 1895, dël Canal ëd Kiel, ch'a colega Mar dël Nòrd e Mar Bàltich. Ant la Sconda Guèra Mondial Kiel a patiss grev darmagi, e squasi l'80% dla sità a ven crasà. La sità a l'è stàita riedificà con criteri modern e a l'è ël sènter econòmich e cultural pì important ëd la region.

[modìfica] Economìa

Panorama ëd Kiel

Le prinsipaj atività econòmiche a son gropà al setor tersiari e aj cantié navaj. Motobin important a l'è ël pòrt, ch' a consent ël traspòrt vers àutre sità sël mar Bàltich e ant j'anviron: Òslo (an Norvegia), Göteborg (an Svessia), Klaipėda (an Lituania), Tallin (an Estònia), Turku (an Finlandia), Kaliningrad e San Pietroborgh (an Russia).

[modìfica] Aministrassion

Sindich: Angelika Volquartz

[modìfica] Sità gemelà

Kiel a l'è gemelà con:

Brest, Fransa
Coventry, Regn Unì
Vaasa, Finlandia
Gdynia, Polònia
Tallin, Estònia
Stralsund, Germania
Kaliningrad e Sovjesk, Russia

OMMI! Ma io non SO LEGGERE!!

E be'? :) È facile imparare a leggere una lingua che si parla già. Consulti

questa pagina e vedrà, in un attimo anche Lei avrà il suo badge da bogianen :)

St'utent-sì a l'é un bogianen

OMMI! pero si YO no
SE LEER!

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

BANCHÈT dj'UTISS

Lìber për chi a veul amprende

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.