Kielia

E Vicipaedia

Latinitas huius paginae est bis inspecta. Vide {{latinitas}}.

Insigne	Tabula geographica

Nomina alia Latina	Chilonium, Holsatorum civitas, Kilia Holsatorum, Kilonia, Kilonum, Kilia

Indicia fundamentalia
Terra foederalis:	Slesvicum et Holsatia
Pagus:	Pagus urbanus
Coordinata geographica:	54° 20' S, 10° 8' Orientalem spectans
Altitudo:	inter 0 et 74,2 m supra mare
Area:	118,6 km²
Portio opere carentium:	16,6 % (Decembri 2005)
Numerus incolarum:	230 918 (31. Martii 2006)
Spissitas incolarum:	1 947 incolae per km²
Praefixum telephonicum:	0431
Numeri cursuales:	ab 24103 ad 24159 (pristinus: 2300)
Nota autocineti:	KI
Nota magistratus communalis:	01 0 02 000
Ordo partium urbis:	18 regiones cum 30 partes
Inscriptio cursualis:	Fleethörn 9 24103 Kiel
Pagina interretialis:	www.kiel.de
Res politicae
Magistra superior civium:	Angelika Volquartz (CDU)
Urbi praesidens:	Rainer Tschorn (CDU)
Factiones regnantes:	CDU/Foedus 90/Virides

Kilia (vel etiam Chilonia, -iae, f.; Theodisce Kiel) est caput Slesvici et Holsatiae. Regimen huius civitatis foederalis ibi sedem habet.

[recensere] Res gestae

Medio aevo Saxones limite Saxoniae illam, quae nunc Chiloniensis est, regionem adversus Abodritos gentem Slavonicam protegere conati sunt. Cuius ad limitis finem, quo locorum ad septentriones vergebatur, saeculo 13. Adolphus IV. eius nominis dux Holsatiae Kieliam condidit. Nomen autem urbis lingua Saxonica cuneum vel potius sensu metaphorico sinum illum angustum Chiloniensem significat, cuius in extrema parte portus novus est instructus.

Anno 1283^o civitas se ligae hanseaticae adiunxit. ^[1]

Fine belli per orbem terrarum gesti prioris anno 1918. classiarii seditiosi Kiliae rebus novis tam feliciter studuerunt, ut quodam spatio temporis magni momenti essent in omni Germania. Imperator enim Gulielmus alter imperium deponere debuit et Germania ex regno res publica libera facta est.

Ob naves bellicas ibi collocatas bello per orbem terrarum gesto altero Kielia caelitus bombis tota paene deleta est, sed suburbia nonnulla minore detrimento accepto adhuc bella sunt.

[recensere] Res oeconomicae

Urbs ad ripam Maris Baltici sita portus est, ubi naves et mercatoriae et bellicae collocatae et sunt et erant. Hic etiam ostium est fossae quae a mari Germanico ad mare Balticum ducta est.

Maximum navale Germanicum nomine "Navalia Howaldt et Navale Germanicum" Germanico sermone Howaldtswerke-Deutsche Werft hic est.

Kiliae academia instituta est rebus oeconomicis orbis terrarum investigandis (vulgo Kieler Institut für Weltwirtschaft).