جامعہ پنجاب
وکیپیڈیا سے
|
جامعہ پنجاب |
|
|---|---|
 |
|
| قائم شدہ | 1882 |
| قسم | سرکاری |
| الحاق | ھائر ایجوکیشن کمیشن (HEC ) |
| اساتذہ کی تعداد | 625 |
| طلبا کی تعداد | 25000 |
| کلیات کی تعداد | 13 |
| مقام | لاھور، پاکستان |
| ویب سائیٹ | http://www.pu.edu.pk |
جامعہ پنجاب (پنجاب یونیورسٹی یا یونیورسٹی آف دی پنجاب) پاکستان کی قدیم ترین جامعہ ہے اور برصغیر پاک و ھند میں مسلمانوں کے اکثریتی علاقوں میں قائم ہونے والی پہلی جامعہ ہے۔ یہ 1882 میں قائم ہوئی۔ یہ پاکستان کے ثقافتی مرکز لاھور میں واقع ہے۔ پہلے اس کا کیمپس قدیمی مال روڈ اور انارکلی بازار کے ساتھ ہی تھا۔ انیس سو ستر کی دھائی میں اس کے بہت سے شعبے نیو کیمپس میں منتقل ہو گئے۔ نیو کیمپس کے اردگرد لاھور کے نئے علاقے بن گئے جو اب شہر کا حصہ ہیں جیسے گارڈن ٹاون، فیصل ٹاون وغیرہ۔ اب جامعہ پنجاب نے اپنا کیمپس گوجرانوالہ میں بھی کھول لیا ہے اور دوسرے شہروں کے لیے منصوبے زیرِ غور ہیں۔ لاھور کے پرانے کیمپس کو علامہ اقبال کیمپس اور نئے کیمپس کو قائدِاعظم کیمپس کہا جاتا ہے جو ان کے سرکاری نام ہیں۔ جامعہ کا ایک ذیلی کیمپس خانس پور کے پہاڑی علاقے میں بھی قائم ہے مگر یہ نہ ہونے کے برابر ہے کیونکہ یہاں کوئی شعبہ مستقل بنیادوں پر قائم نہیں ہے۔ ان چار کیمپسوں کے ساتھ جامعہ پنجاب کی 13کلیات(فیکلٹیاں) ، 9 کالج اور 64 شعبے ہیں جبکہ اس کے الحاق شدہ کالجوں کی تعداد 434 ہے۔ جامعہ میں اساتذہ کی تعداد 625 سے ذیادہ ہے اور طلباء کی تعداد تقریباً 25000 ہے۔
فہرست |
[ترمیم] تاریخ
جامعہ پنجاب کی سینٹ کا پہلا اجلاس شملہ (موجودہ بھارت) میں ہوا جس میں اس کی بنیاد رکھی گئی۔ یہ برطانوی ھند کی چوتھی جامعہ تھی مگر پچھلی تین صرف امتحان لیتی تھیں اور جامعہ پنجاب نہ صرف امتحانات لیتی تھی بلکہ ایک تعلیم دینے کی جامعہ تھی یعنی جامعہ پنجاب بجا طور پر برصغیر کی پہلی ایسی یونیورسٹی تھی جہاں باقاعدہ اعلیٰ درجہ کی تعلیم دی جاتی تھی۔ اس سے پہلے ممبئی (سابقہ بمبئی)، مدراس اور کلکتہ میں جامعات تھیں۔ یہ ھند کے مسلمان علاقوں کی پہلی جامعہ تھی۔
[ترمیم] کلیات جامعہ پنجاب
جامعہ پنجاب میں تیرہ کلیات ہیں جو کچھ یوں ہیں۔
- انسانیات و فنونیات (Arts and Humanities)
- علوم سلوکیہ و معاشرتی علوم (Behavioral and Social Sciences)
- تجارت (Commerce)
- معاشیات اور انتظامی علوم (Economics and Management Sciences)
- علم التعلیم (Education)
- ہندسیات و طرزیات (Engineering & Technology)
- اسلامی تعلیمات (Islamic Studies)
- قانون (Law)
- حیاتی علوم (Life-Sciences)
- علم طب و اسنان (Medicine & Dentistry)
- علوم الشرقیہ (Oriental Learning)
- علم الادویہ (Pharmacy)
- علم (Science)
[ترمیم] موجودہ حالات
موجودہ وائس چانسلر لیفٹینیٹ جنرل ارشد محمود نے جامعہ میں کئی نئے شعبے کھولے ہیں اور اساتذہ کی تعداد میں قابلِ قدر اضافہ کیا ہے۔ جامعہ میں کمپیوٹر کی تعلیم پر خصوصاً توجہ دی گئی ہے۔ تعلیمی ادارہ میں مذہب کی آڑ میں سیاست کرنے کو کسی حد تک کم کیا گیا ہے۔
[ترمیم] مشہور سابقہ متعلم
- ڈاکٹر علامہ محمد اقبال
- ڈاکٹر عبد السلام ۔ نوبل انعام یافتہ
- خواجہ امجد سعید ۔
- راجہ انور ۔ ادیب
- جہانگیر بدر
[ترمیم] بیرونی روابط
زمرہ جات: جامعات | اعلی تعلیم | لاہور | پاکستان
