Atletiek

From Wikipedia

De 200 meiter ip de Weireldkampioenschapp'n in Helsinki in 2005

't Es moeilyk om de verschillende disciplines in 't atletiek onder êne noemer te platsen. Z'ein wel ollemoale nen ôorsprong in den oden tyd (de Griekn onder andere), en vormden de basis voo de klassieke Klassieke Olympische Speeln en de Moderne Olympische Speeln. Een twêede gemêenschappelyk punt es dat ze udder ollemoale ofspeeln rond een atletiekpiste, een ovoalvormige boane van exact 400 meiters lang (outdoor).

Der zin twêe grôte vormn van atletiek: in de winter goat et indoor sezoen deure, met specifieke eigenschapp'n. Het belangrykste sezoen es echter het outdoor sezoen, in de zomer.

Inoud

1 (Outdoor) atletiekdisciplines
2 Grôte kampioenschappn
3 Belgen in den atletiek
- 3.1 Twintigste êeuwe
- 3.2 Êenenwintigste êeuwe
4 Atletiek in West-Vloandern
5 Koppeliengn noa West-Vlamsche atletiekverênegiengn
6 Externe koppeliengn

[bewerk'n] (Outdoor) atletiekdisciplines

[bewerk'n] Lôopnummers

De belangrykste disciplines in atletiek zin de lôopnummers. Ze onderscheidn zich van mekoar vôorol deur een verschil in afstand.

100m (M+V)
200m (M+V)
400m (M+V)
1.500m (M+V)
5.000m (M+V)
10.000m (M+V)
Marathon: 42km (M+V)

100/110m hordnn (V/M)
400m hordn (M+V)
3000m steeple (M+V)

10km snelwandeln (V)
20km snelwandeln
30km snelwandeln (M)
50km snelwandeln (M)

4x100m estafette (M/V)
4x400m estafette (M/V)

[bewerk'n] Technische nummers

speerwerpn (M/V)
verspryngn (M/V)
inkstapsprong (M/V)
ôogspryngn (M/V)
polstokspryngn (M/V)
kogelstôotn (M/V)
oamersliengern (M/V)
discuswerp'n (M/V)

[bewerk'n] Mêerkampn

decathlon (tienkamp) (M)
heptathlon (zeevnkamp) (V)

[bewerk'n] Grôte kampioenschappn

Atletiek es, soamen met het zwemmn, de belangrykste sporttak ip de Olympische Speeln. Om de 4 joar zin der dus Olymische atletiekkampioenschapp'n.
Om de twêe joar, in de oneven joaren, goan der Weireldkampioenschapp'n atletiek deure. De latste wos Helsinki 2005, van 6 to 13 ogustus 2006.
Om de vier joar zin der Europeese kampioenschapp'n atletiek, de mêest recente woaren Göteborg 2006.

Doarnoast ei je nog joarliks een somengoan van belangrikke (Europese) wedstrydn in de zogenoamde Golden League. De Memorial Van Damme es êen van de zes wedstryden die dêel utmoakn van de competitie. Dêelnoame der an wordt antrekkelik gemakt deur het feit dat dêelnemers nen specioale jackpot keun winn'n o ze in olle zesse de wedstrydn den êesten zyn in under discipline.

Kim Gevaert ip de Europese kampioenschappn van 2002 in München

[bewerk'n] Belgen in den atletiek

[bewerk'n] Twintigste êeuwe

Belgje speelt traditioneel een klêne rolle in den atletiek. Een aantal schoarse ôogtepuntn:

Goud ip de Olympische Speeln van Londen (1948) ip de 5000 meiter voo Gaston Reiff.
Goudn medaille 3000 m steeple voo Gaston Roelants ip de Olympische Speeln in 1964 (Tokio).

Goudn medaille 3000 m steeple voo Gaston Roelants ip het EK in 1962.
Goudn medaille voo Karel Lismont in de marathon ip et EK van 1971.

[bewerk'n] Êenenwintigste êeuwe

Zilvern medaille ip de 100 en 200m voo Kim Gevaert ip de Europese kampioenschappn van 2002 in München.

2006 wos een echt boerejoar voo de Belgischen atletiek. Ip de Europese kampioenschappn in Göteborg eit Belgje drie goudn medailles behoald, een historische belevenisse:

Goudn medaille 100m (bie de vrouwn) voo Kim Gevaert
Goudn medaille 200m (bie de vrouwn) voo Kim Gevaert
Goudn medaille ôogspryngn (bie de vrouwn) voo Tia Hellebaut

Belgje es doarmee ip de 7de platse beland in 't landeklassement; nog nooit eit et land zo ôge gescoord.

Een specioale vermeldinge goat ôok ut noar de West-Vlamse steeplelôopster Veerle Dejaeghere. Oewel z'eur successen voorol behoald et in het veldlôopn, ei se ôok ol dikwils meegedoan an internationoale atletiekkampioenschappn.

[bewerk'n] Atletiek in West-Vloandern

Wa betreft atletiek in ûzn Provinsje zien we oke nie slicht af wa betreft de verênegiengn. Hieroender e lystje van de atletiekverênigiengn under de VAL erkend.