Barrydale
vanuit Wikipedia, die vrye ensiklopedie.
Barrydale is 'n dorpie op die grens van die Overberg en die Klein-Karoo in die Wes-Kaap. Dit is geleë in 'n nou vallei in Langeberge by die begin van die Tradouwspas oppad na Swellendam waar die pad van Suurbraak af by die R62 wynroete tussen Montagu en Oudtshoorn aansluit. Barrydale se geskiedenis begin in die vroeë 1700's toe boere na die gebied getrek het op soek na vrugbare grond met water. in 1978 word die Nederduits Gereformeerde gemeente van Barrydale gestig en word grond aangeskaf om 'n kerk te bou waar wat vandag as die R62 en R324 paaie bekendstaan ontmoet. Die dorp wat in 1880 gestig is, is vernoem na James Barry. Die munisipaliteit is in 1921 gevestig.
Wingerde en boorde is in die omgewing aangeplant en in 1940 is die Barrydale Koöperatiewe Wynkelder gevorm en 'n brandewyn distilleerdery gevestig. Die warm klimaat leen die gebied tot die verbouing van verskeie soorte vrugte en daar is menige vrugteboorde in die vrugbare Tradouwvallei aangeplant. Appels, pere en lemoene word hier in die winter geoes en applekose, vye, en perskes en druiwe in die somer.
Soos baie ander dorpe in Suid-Afrika is die nalatingskap van apartheid nog duidelik sigbaar in die verdeling van die dorp in 'n “wit-” en “swart-” gedeelte wat meestal deur afstammelinge van die inheemse KhoiKhoi bewoon word. Die dorpie is kultureel divers met beide Engels- en Afrikaanssprekende inwoners asook onlangse immigrante uit Europa. Die dorpie se bevolking is tans ongeveer 3500 permanente inwoners wat darmaties styg tydens die toeriste seisoen. Die klimaat is gematig met warm droë somers met gemiddelde temperatuur van 25 °C wat soms tot 35 °C styg. Winters is ook matig, nat en temperatuur daal soms tot -1 °C wat gepaardgaan met ligte ryp.
