Gerhard Schröder
vanuit Wikipedia, die vrye ensiklopedie.
Gerhard Schröder is in die tydperk van 1998 tot 2005 die bondskanselier (regeringshoof) van Duitsland.
Hy word op 7 April 1944 as 'n arbeiderseun gebore. Sy vader Fritz Schröder sneuwel net 'n paar dae na die geboorte van sy seun op twee-en-dertigjarige leeftyd in Roemenië.
Gerhard Schröder begin sy politieke loopbaan in die jeugorganisasie van die Sosiaal-Demokratiese Party (SPD), Jungsozialisten, en werk later as advokaat. Vir 'n tyd lank beklee hy ook die amp van partyvoorsitter van die SPD. In 1998 word hy, na die oorwinning van die SPD en die Groen Party in die federale verkiesing, die regeringshoof van Duitsland. Hy volg Helmut Kohl op.
In die verkiesing van 18 September 2005 slaag Gerhard Schröder se SPD nie meer daarin om saam met die Groen Party 'n meerderheid vir sy koalisie te behaal nie.
Die nuwe koalisieregering onder leiding van Angela Merkel word deur die Christelik-Demokratiese Unie/Christelik-Sosiale Unie (CDU/CSU) en SPD gevorm. Gerhard Schröder neem die besluit om geen politieke amp meer in die nuwe regering te beklee nie.
