Jakob Dubs
Us der alemannische Wikipedia, der freie Dialäkt-Enzyklopedy
 |
Dialäkt: Züridütsch (See) |
De Jakob Dubs (* 26. Juli 1822 in Affoltern am Albis; † 13. Januar 1879) isch en Schwiizer Politiker (FDP) gsii.
Er isch am 26. Juli 1822 in Affoltern am Albis i d Familie vomene Metzger gebore worde. Er hät s Gymnasium in Züri bsuecht und dänn Recht in Bern schtudiert. Scho früeh hät er sich i dr Politik betätiget, hät a de Freischarezüüg und am Sonderbundchrieg aktiv teilgnaah.
De Jakob Dubs hät d Underschtützung vom Alfred Escher ghaa. 1847 hät mer ihn in Zürcher Grosse Rat gwählt, 1849 in Nationalrat, 1854 in Zürcher Regierigsrat und in Schtänderat.
Am 30. Juli 1861 isch de Jakob Dubs vo dr Bundesversammlig im Erschte Wahlgang in Bundesrat gwählt worde.
De Dubs hät sich für e Revision vo dr Bundesverfassig iigsetzt, isch aber schliesslich im Mai 1872 zruggträte, wil ihm di endgültig Fassig zu zentralistisch erschine isch. De Dubs hät denaa di üsserscht homogeni Gruppe vo de Revisionsgegner aagfüehrt, wos glunge isch, d Totalrevision 1872 zu Fall z bringe.
De Jakob Dubs hät vo 1854 bis 1861 als nebeamtliche Bundesrichter gamtet. 1875 isch er zum vollamtliche Bundesrichter uufgschtige.
Während siinere Amtsziit als Bundesrat isch de Jakob Dubs de folgende Departement vorgschtande:
- 1861-1863: Juschtiz- und Polizeidepartement
- 1864: Politischs Departement
- 1865: Departement vom Innere
- 1866: Juschtiz- und Polizeidepartement
- 1867: Poscbtdepartement
- 1868: Politischs Departement
- 1869: Poscbtdepartement
- 1870: Politischs Departement
- 1871-1872: Departement vom Innere
Er isch Bundespräsident gsii i de Jahre 1864, 1868 und 1870 und Vizepräsident i de Jahre 1863 und 1867.
[ändere] Literatur
- Kaufmann, Eugen: Bundesrat Jakob Dubs und die Bundesrevision von 1872 - 1874 im Lichte seiner Zeitung "Die Eidgenossenschaft" , 1957
- Ermatinger, Gerold: Jakob Dubs, 1938, aus Grosse Schweizer
[ändere] Weblinks
| Vorgänger Jonas Furrer |
Mitglied im Schweizer Bundesrat 1861-1872 |
Nachfolger Johann Jakob Scherer |
| Persoonedaate | |
|---|---|
| NAME: | Dubs, Jakob |
| ALTERNATIVNAMEN: | |
| KURZBESCHREIBUNG: | Schweizer Politiker |
| GEBURTSDATUM: | 26. Juli 1822 |
| GEBURTSORT: | Affoltern am Albis |
| STERBEDATUM: | 13. Januar 1879 |
| STERBEORT: | |
Der Artikel basiert uf ´ra freie Ibersetzung vum Artikel „Jakob Dubs“ us dr dytsche Wikipedia.
Kategorie: Artikel uf Züritüütsch | Mann | Schweizer | Politiker (Schweiz) | FDP-Mitglied (Schweiz) | Bundesrat für auswärtige Angelegenheiten (Schweiz) | Bundesrat des Inneren (Schweiz) | Bundesrat für Justiz und Polizei (Schweiz) | Bundesrat für Umwelt, Verkehr, Energie und Kommunikation (Schweiz) | Geboren 1822 | Gestorben 1879
