Edmund Hillary
De Biquipedia
|
||||||||||||
Sir Edmund Percival Hillary (Auckland, Nueba Zelanda, 20 de chulio de 1919) Alpinista y esplorador neozelandés. ye famoso por aber estato lo primero que remató con esito una puyada á lo Everest. Plego á la tuca situata á 8.850 metros o 29 de mayo de 1953 acompañato d'o xerpa Tenzing Norgay. Ye l'unico neozelandés bibo que aparixe en un billet de banco.
Naxito á lo sur d'Auckland, Hillary fué á una escuela que se trobaba á dos oras de camín d'a casa suya. O choben Hillary gosaba pasar istas oras de trayeuto leyendo. Crexió estando un nino timido que se cubillaba en os libros. Á las 16 añadas prenzipió su intrés por a escalada dezagas d'una escursión escolar á Ruapehu.
Mientres a Segunda Guerra Mundial estió miembro de l'abiazión neozelandesa. Formó parti d'una espedizión á lo Everest en 1951 que resultó una malmetida antis d'unir-se en 1953 á la esitosa espedizión britanica. Escaló atras 10 tucas en o Imalaya en besitas posteriors en 1956, 1960, 1961, 1963 y 1965. Tamién plegó á lo Polo Sur formando parti d'a Espedizión transartica d'a Commonwealth o 4 de chinero de 1958.
