Anton Chekhov

De Uiquipedia

Anton Pávlovich Chekhov (en rusu Антон Павлович Чехов), (*Taganrog, 29 de xineru de 1860 (17 de xineru del calendariu xulianu) †Baden-Baden (Alemaña), 14 ó 15 de xunetu de 1904). Escritor y dramaturgu rusu. Encuadrable na corriente naturalista foi mayestru del relatu curtiu.

1900, Yalta. Chekov (izq.) y Máximo Gorki.

[editar] Biografia

Chekhov nació en Taganrog, puertu provincial del Mar de Azov. Yera fíu d'un tenderu y nietu d'un siervu que mercó la so llibertá. Chékhov yera'l terceru de seis hermanos. So pá impartió-yos una disciplina estricta y mui relixosa.

El pá de Chekhov entamó a tener serias dificultaes económiques en 1875; el so negociu quebró y viose forzáu a escapar a Moscú pa evitar que la cárcele. Fasta que nun finó los sos estudios en 1879, Anton nun se reunió cola familia. Entamó a estudiar medicina na Universidá de Moscú.

Nun intentu d'aidar a la so familia, Chekhov entamó a escribir relatos humorísticos curtios y caricatures de la vida en Rusia baxo'l nomatu de “Antoxa Chekhonte”. Desconozse cuantes histories escribió nesta dómina, pero sábese que ganó darréu fama de bon cronista de la vida rusa.

Chekhov convirtióse en médicu en 1884 pero siguió escribiendo pa diferentes selmanarios. En 1885 entamó a collaborar con la Peterbúrgskaya gazeta con artículos más ellaboraos de lo que los venia faciendo. N'avientu d'esi añu, convidáronlu a collaborar nún de los periódicos más respetaos de San Petersburgo, el Nóvoye vremia. En 1886 Chekhov yá se convirtiere nun escritor famosu. Esi mesmu añu publicó la so primer obra, Relatos de Montley; al añu siguiente ganó'l premiu Puxquin gracies a la coleición de relatos curtios Al Atapecer.

En 1887 a causa d'una debilitación de la so salú (primeros síntomes de la tuberculosis que finaría cola so vida) Chekhov viaxó a Ucrania. De regresu estrenó la so obra La Gaviota; ésitu qu'interpretó la compañía del teatru d'arte de Moscú. Antón escribió tres obres más pa esta compañía: Tío Vania (1897), Les Tres Hermanes (1901) y El Xardín de les Cerezales (1904). En 1901 casóse con Olga Leonardovna Knipper, una actriz qu'actuare nes sos obres.

Chekov pasó gran parte de sus 44 años gravemente enfermu pola tuberculosis que contraxo de los sos pacientes a finales de 1880. La enfermedá obligólu a pasar llarges temporaes en Niza, Francia y dempués en Yalta, Crimea ya qu'el clima templáu d'estes zones yera preferible a los crueles iviernos rusos.

Anton Chekhov morrió poles complicaciones provocaes pola tuberculosis en Badenweiler, Alemaña, onde taba pa recibir tratamientu nuna clínica especializada. Ta enterráu nel cimenteriu de Novodevichy.

[editar] Influencia de la so obra

Anque yá yera conocíu en Rusia enantes de morrer, Chekhov fizóse internacionalmente famosu nos años posteriores a la Primer Guerra Mundial, cuandu les tornesde Constance Granet al inglés a popularizar la so obra.

Les obras algamaron gran sonadía n' Inglaterra na década de los 20 y convirtieronse nun clásicu de la escena británica. En Estaos Xunios, autores como Tennessee Williams o Arthur Miller utilizaron técniques de Chekov pa escribir dalgunes de sus obras.