Artes marciales
De Uiquipedia
Una arte marcial ye un xeitu combate, que les más de les vueltes ta dirixíu a la defensa personal. Nel usu común, el términu refiérese a los sistemes de combate desendolcaos en tol mundiu.
El conceutu d"art marcial" apaez per primera vegada nel inglés na edición de 1920 del Takenobu's Japanese-English Dictionary como una torna del términu bu-gei o bu-jutsu que significa "arte o resolución de los asuntos militares".
[editar] Entamu
En pallabres simples, les artes marciales' son sistemes de llucha. Hai munches escueles y estilos d'artes marciales, magar que toes comparten un mesmu oxetivu: la defensa personal. Delles, como'l tai txi txuan tamién puen emplegase p'ameyorar la salú y la forma como fluye'l qi.
Non toles artes marciales ñacieren n'Asia. El savate, por exemplu, xurdió en Francia y los movimientos atléticos de la capoeira vienen del Brasil.
Munches artes marciales inxerten puñetazos (boséu, kárate), pataes (taekwondo, kickboxing, karate), llaves (judo, jujutsu, llucha), armes (iaijutsu, kendo, kenjutsu, naginatado, esgrima) o dalguna combinación d'ellementos colos estremaos estilos.
Les artes marciales dixébrense en dos grandes conxuntos: les denomaes "artes marciales dures" como'l karate y el kickboxing, qu'enfaticen l'ataque pa derrotar al alversariu y les "artes marciales suaves" como'l judo y l'aikido, qu'aborden a l'oponente del xeitu menos agresivu, emplegando la fuercia del otru pa lu someter.
Ye difícil de comparar la efeutividá de les estremaes artes esistentes. Caberamente, desendólquense competiciones como l'Ultimate Fighting Champions nos Estaos Xuníos o Pancrase en Xapón, que tamién conócense como "artes marciales amestaes" o torneos d'AMA. Si bién inda ta per ver l'ésitu o fracasu comercial d'estes práutiques.
Les artes marciales defínense d'esti xeitu: al traviés de la hestoria, al soldáu nel campu batalla, la única cosa que-y importaba yera derrotar al enemigu que se-y enfrentaba. Qu'un estilu seya suave o duru o cuántos puntos s'algamen d'una patada son detáis y temes d'alderique que xurdieron en tiempos de paz, cuando yeren combates cuerpu a cuerpu.
Les artes marciales son les artes de la guerra. Si l'oxetivu principal nuna competición consiste n'anotar puntos al favor de dalgún, entós nun tamos delantre d'una arte marcial, sinón d'un deporte.
La hestoria de les artes marciales ye bayurosa. El desendolcamientu de los sistemes de llucha data de cuando l'home yera quien a tresmitir la conocencia, xunto coles estatexes de guerra. Parte del material escritu más antiguu sobro la tema data del sieglu XV n'Europa y l'autoría correspón a mayestros notables, como Hans Talhoffer y George Silver. Tamién aportaron a los nuesos díes trescripciones de testos inda más antiguos, un dellos ye un manuscritu denomáu I.33, que data de finales del sieglu XIII.
Los artistes marciales estrmeen al respeutive de l'asuntu les competiciones. Delles artes, como'l boséu o'l muay Thai, dan-y atención a les lluches de práutica y a participar en competiciones, demientres que les más frecuentes d'aikido y krav maga refuguen les competiciones. Les razones que sustenten estos puntos de vista son estremaes. Munches de les artes competitives argumenten que les competiciones dan llugar a meyores y más eficientes téuniques. Sicasí, dellos estilos non competitivos sostienen que les regles coles que se desendolquen estes competiciones afeuten a l'arte y nun son representatives de lo que pue asoceder nuna situación real.
Nos caberos años, lleváronse a términu intentos pa revivir ciertes artes marciales consideraes hestóriques. Exemplos d'esta reconstruición hestórica de les artes marciales son el pankration y la escuela Shao Lin, que nun tien una tradición continua.
[editar] Artes marciales asiátiques
- Bornéu
- bersilat
- Birmania
- bando
- Corea
- kung jung mu sool
- hapkido
- taekyun
- taekwondo
- Filipines
- kali
- eskrima
- arnis
- Indonesia
- kuntao
- pencak silat
- tarung derajat
- Xapón
- aikido
- bojutsu
- bujutsu
- aikijutsu
- iaido
- jujutsu
- jodo
- judo
- karate
- kempo
- kendo
- kenjutsu
- kobudo
- kusarigamajutsu
- kyokushinkai
- kyudo
- kyusho jitsu
- naginatado
- ninjutsu
- ninpo
- shintaido
- shooto
- shorinji Kempo
- sumo
- taijutsu
- taido
- tantojutsu
- tegumi
- Tailandia
- Boséu tailandés o Muay Thai o Thai boxing
- Vietnam
- Việt Võ Đạo
- China -toles artes marciales Chines denomaes kung-fu, wushu, Tx'uan fa o kuntao.
- Estilos internos: ver nei chia.
- hsing yi (hsing I)
- pakua txuan
- tai txi txuan
- ba gua
- Estilos internos: ver nei chia.
