Compilador
De Uiquipedia
Un compilador ye un programa d'ordenador que traduz un conxuntu d'instrucciones escrites nun llinguaxe de programación (el códigu fonte) nun conxuntu d'instrucciones n'otru llinguaxe diferente (el códigu oxetu)
De cutio fálase de compilador cuando el códigu fonte tá escritu nun llinguaxe d' altu nivel (qu' una persona pue caltriar), y el códigu oxetu ye códigu especialmente pensáu pa que lu emplegue la máquina (l'ordenador) que va a executar les instrucciones (por exemplu, ye típico que el códigu oxetu quede nun ficheru COM o EXE que pue executase direutamente).
Hai programes que traducen instrucciones d' un llinguaxe d' altu nivel a otru, pero entós ye más correuto nomar a esos programas traductores y non compiladores. Tamién hai programes que traducen d' un llinguaxe de baxu nivel a ún d' altu nivel; llámense descompiladores (esti procesu non se pue facer siempre).
Na práutica, un compilador pue vese como una ferramienta que empleguen los programadores pa xenerar un programa; ellos escriben nun llinguaxe d' altu nivel, y col compilador xeneren el programa executable que-y dan al veceru, y qu' ésti pue emplegar na xera que correspuenda.
