Conceyu Nacionalista Astur
De Uiquipedia
Conceyu Nacionalista Astur (CNA) foi'l primer partíu políticu nacionaliegu asturianu, con actividá ente 1976 y 1981.
Tabla de conteníos |
[editar] Entamos
El CNA creáronlu mozos que queríen romper cola tradición política asturiana y da-y una alternativa nacional asturiana al procesu de reconstrucción estatal na transición, reclamando pa Asturies un tratamientu nacional similar al que se-y taba dando a Cataluña o al País Vascu.
[editar] Fundadores
Ente los fundadores taben Xosé Lluis Carmona y Dubardu Puente, miembros del Conceyu Bable y Chus Cañedo, Pepe Fernández Alonso o Fernando Cueto. El so secretariu xeneral foi Anxelu Zapico.
[editar] Publicaciones
El CNA llegó a editar una publicación propia, la revista Asturies Dixebrá.
[editar] Elleiciones
Durante la so esistencia nun algamó nengún llogru eleutoral. Nes elecciones xenerales de 1977 nun presentó candidatura propia, sofitando la candidatura de la Unidá Rexonalista, encabezada por Aida Fuentes Concheso, Antonio Massip Hidalgo y Manuel Hevia Carriles. Nes segundes elecciones de la Transición presentó candidatura propia, tanto al Congresu como al Senáu, algamando 3.049 votos nel primer casu y 7.000 nel segundu.
[editar] Disolución
Cabe destacar nesti procesu que dellos militantes del partíu fueron deteníos baxo acusación de colaborar con ETA politico-militar nel asaltu al Bancu Herrero d'Uviéu y dellos cumplieron años de prisión por ello.
Disolvióse en 1981. De les sos cenices surdieron otros partíos nacionalistes, como l'Ensame Nacionalista Astur (ENA), que tres la so fusión cola Xunta Nacionalista Asturiana (XNA) dio llugar a la Unidá Nacionalista Asturiana (UNA), que se presentó a les eleiciones europees de 1989 baxo la mano de José Suárez Arias-Cachero "Felechosa". Exercieron la secretaría Xeneral de la UNA Faustino Fernández Pereira, primero, y Xosé Lluis Carmona, dempués.
