Jack Palance
De Uiquipedia
Jack Palance (Pennsylvania, 18 de febreru de 1919; California, 10 de payares de 2006), foi un actor estaunidense, ganador d'un premiu Óscar al Meyor Actor de Repartu pola película City Slickers.
El so verdaderu nome yera Volodymyr Palahniuk (Ucranianu: Володимир Палагнюк) y yera descendiente d'una modesta familia d'emigrantes ucranianos. So padre yera mineru en Pennsylvania, trabayu qu'él tamién desempeñó durante la so mocedá.
Igualmente, a finales de los años 30, entamó una carrera como boxeador profesional, col nomatu de Jack Brazzo, algamando 15 victories consecutives (12 por fuera de combate).
Palance graduóse como Llicenciáu n'Artes, dientro la especialidá de Drama, na Universidá de Stanford, en 1947. Durante los sos años na Universidá tamién trabayó como cocineru, camareru, salvavides y modelu fotográficu .
[editar] Carrera
En 1947, Palance fizo'l so debut en Broadway, siguiendo tres años más sero la so primer película col títulu Panic in the Street(1950). Rápidamente foi reconocíu como un actor de carácter, recibiendo la nominación a los Premios de l'Academia pol so tercer papel, Lester Blaine, na película Sudden Fear.
L'añu siguiente Palance foi nuevamente nomináu a los Oscar, pol so papel como'l pistoleru sanguinariu Jack Wilson en Shane. Más papeles en westerns más fueron interpretaos por Palance, pero tamién supo facer otros personaxes como Dr. Jekyll y Mr. Hyde, Drácula, y Atila.
En 1957, Palance ganó un Premiu Emmy al Meyor Actor pola so interpretación de Mountain McClintock en Playhouse 90 producida por Rod Serling Requiem for a Heavyweight.
Jean-Luc Godard convéncelu pa facer el papel del productor de Hollywood Jeremy Prokosch en 1963 na película nouvelle vague Le Mépris, con Brigitte Bardot y Michel Piccoli. Magar que'l diálogu principal yera en francés, Palance sólo falaba n'inglés.
Nos años ochenta Palance collaboró en series de televisión.
Apareció en Young Guns (1988) y nel Batman (1989) que relanzaron la so carrera, demandándose los sos servicios pa nuevos proyectos.
[editar] Premiu de l'Academia
Cuatro décades después del so debut cinematográficu, Palance ganó un Premiu de l'Academia al Meyor Actor de Repartu, en 1992 pola so interpretación del cowboy Curly Washburn na comedia City Slickers.
[editar] Filmografía seleccionada
- Ver la filmografía completa de Jack Palance enIMDb
| Añu | Títulu | Papel |
|---|---|---|
| 1950 | Panic in the Streets | Blackie |
| 1952 | Sudden Fear | Lester Blaine |
| 1953 | Shane | Jack Wilson |
| 1953 | Man in the Attic | Slade |
| 1954 | The Silver Chalice | Simon Magus |
| 1955 | The Big Knife | Charles Castle |
| 1956 | Playhouse 90 Requiem for a Heavyweight (TV) |
Harlan 'Mountain' McClintock |
| 1960 | Austerlitz | General Weirother |
| 1962 | Barabbas | Torvald |
| 1963 | Contempt | Jeremy Prokosch |
| 1966 | The Professionals | Jesus Raza |
| 1968 | Dr. Jekyll and Mr. Hyde (TV) |
Dr. Henry Jekyll and Mr. Edward Hyde |
| 1969 | Marquis de Sade#Marquis de Sade: Justine Justine | Antonin |
| 1969 | Che! | Fidel Castro |
| 1979 | Angels' Brigade | Mike Farrell |
| 1980 | Hawk the Slayer | Voltan |
| 1987 | Bagdad Café | Rudi Cox |
| 1988 | Gor | Xenos |
| 1988 | Young Guns | Lawrence G. Murphy |
| 1989 | Batman | Carl Grissom |
| 1989 | Outlaw of Gor] | Xenos |
| 1989 | Tango & Cash | Yves Perret |
| 1990 | Solar Crisis | Travis |
| 1991 | City Slickers | Curly Washburn |
| 1994 | City Slickers II: The Legend of Curly's Gold II | Duke Washburn |
| 1994 | The Swan Princess | Voz de Lord Rothbart |
| 1997 | Ebenezer | Ebenezer Scrooge |
| 1999 | Treasure Island | John Silver el Llargu |
