Li Po
De Uiquipedia
Li Po o Li Bai (chinu: 李白, pinyin: Lǐ Bái, Wade-Giles: Li Pai) (701-762) foi un poeta chinu consideráu el meyor poeta románticu de la dinastía Tang. El calter 白, pronunciáu bái en mandarín modernu, pronunciabase enantes bó, motivu pol cual el su nome se trescribía comu Li Po, representación sigún el sistema Wade-Giles desta pronunciación obsoleta.
Conocíu como'l poeta inmortal, alcuéntrase ente los más respetaos poetes de la hestoria de la lliteratura china. Milenta poemes suyos subsisten anguañu. El mundu occidental introduzo los trabayos de Li Bai con tornes llibres andondo de versiones en xaponés, realizáes por Ezra Pound. De Li Bai destaquense la su imaxinación escéntrica y les imáxenes taoístes vertíes na su poesía, al tiempu que pola su afición a la bebida. Al igual que Du Fu, Li Bai pasara gran parte de la su vida viaxando, y gozara duna bona situación económica. Se diz qu'afogóse nel ríu Yang tze, al caer de la chalana cuandu, tando embaxu los efecutos del alcohol, trataba d'abrazar la lluna.
[editar] Biografía
Li Bai foi'l fíu d'un mercader ricu. Suel atribuyise como'l su llugar de nacimiento Suiye, n'Asis Central, (cerca del actual Tokmak en Kirguizistán). A los cinco años, la su familia coló pa Jiangyou, cerca de la moderna Chengdu na provincia de Sichuan. Foi inclutíu pol confucianismu y'l taoísmu, pero finalmente la su herencia de familia nun-y permitió grandes oportunidaes dientro l'aristocrática dinastía Tang. Pesie a que quixera convertise n'oficial, nun llegó a presentase al esamen del serviciu civil chino. Poro, a los 25 años, entamó a viaxar por China, desarrollando una personalidá xabaz y llibre. Esta imaxe fascinó a aristócrates como y a xente común y Li Bai foi a la fin presentáu al emperaor Xuan Zong en 742.
Algamó un cargu na Academia Hanlin, que formaba a intelectuales espertos pa la corte imperial. Li Bai foi amás durante casique dos años poeta oficial del emperador, pero a la fin despidiéronlu por una indiscreción que nun sasoleyó. Poro, vagó por China el restu la so vida. Conoció a Du Fu na seronda de 744 y volvió atopalu l'añu siguiente. Foron les dos ocasiones nes que salcontraron, pero la su amistad siguió siendo mui importante pa Du Fu (caltiénense una docena de sus poemas alrodiu de Li Bai). Durante la rebelión de An Lushan axuntose nuna escaramuza escontra'l emperador, aunque nu se conoz de xurusi foi un alistamientu voluntariu. El fracasu la rebelión finó col su segundu esiliu en Yelang. Foi absueltu enantes de qu'el tiempu del destierru finara.
Li Bai morrió en Dangtu, anguañu Anhui. Dellos espertos creen que la su muerte foi el resultado d'un envenenamiento con mercuriu dempués d'un llargu hestorial de consumu de ferviellos taoístes pala lonxevidá. Otros, cree simplemente que morrió d'intoxicación etílica.
