Mar Negru
De Uiquipedia
Mar Negru ye un mar internu asitiáu ente'l sureste d'Europa y Asia menor. Con un llargor d'alredor de 1.150 km d'oeste a este y de 600 km de norte a sur, estiéndese per una superficie de 422.000 km². La fondura másima ye de 2.120 m.
[editar] Países llenderos
El Mar Negru ta arrodiáu polos países que vienen darréu: Ucrania (norte), Rumanía y Bulgaria (oeste), Turquía (sur), Xorxa y Rusia (este).
Les principales ciudaes son: Burgas y Varna (Bulgaria), Constanţa (Rumanía), Odesa, Sebastopol, Yalta y Kerch (Ucrania), Trebisonda, Samsun, Zonguldak y Estambul (Turquía).
Los países llenderos del mar Negru, col amiestu d'Albania, Armenia, Azerbaiyán, Grecia y Moldavia, formaron en 1992 la Organización pa la Cooperación Económica del Mar Negru (n'inglés Organisation of the Black Sea Economic Cooperation, BSEC), con sede n'Estambul. Esta organización ñació col envís de favorecer el desendolque económicu de la rexón.
[editar] Ríos y canales navegables
El mar Negru comunica col Mediterraneu al traviés del Bósforu y del mar de Mármara y col mar d'Azov pel estrenchu de Kerch.
L'accesu a los ríos Don, Volga, al mar Caspiu, al mar Bálticu y al mar Blancu faise per canales. Al traviés del ríu Danubiu y de la canal Rhin-Main-Danubiu accédese al mar del Norte.
