Zodiacu
De Uiquipedia
El Zodiacu ye un enxeme tradicional de dolce constelaciones al traviés de les cuales pasa la eclíptica del Sol, ou el traxeutu del Sol nos cielos. Realmente les constelaciones del zodiacu modernu son trece, sicasí Ophiuchus nun ta incluyida nin nel zodiacu astrolóxicu nin nel tradicional. N'outras culturas, como la china ou la védica tamién esiste esti zodiacu pero con nome y representaciones diferentes.
N'astroloxía las constelaciones del zodiacu definen los dolce signos, emplegándose como métodu d'aldovinación y seyendo la base pa la confeición d'horóscopos. El signu presente na data de nacencia rellacionase col nacíu, marcando asina la súa conducta y vezos de por vida.
Estos signos fuorun nomaos pol astrónomu exipciu Ptoloméu nel sieglu II, emplegando'l sistema astrolóxicu sumeriu. Malque signos y constelaciones tengan el mesmu nome hai una diferencia pergrande; asina los signos son seiciones del cielu del mesmu tamañu y abarcan 30º correspondiendo a una dómina determinada del mes. Si qu'asina las constelaciones son de formas irregulares y unas más grandes qu'outras y amás nun siempres signu y constelación tán na mesma data, como asocede claramente con Ophiuchus que seyendo una constelación zodiacal con un períodu dao nel cielu nun tien representación astrolóxica; como se representa na viniente tabla:
Las datas zodiacales tropicales (las que tazan el zodiacu emprincipiando pol equinocciu de primavera) empléganse principalmente nas culturas ocidentales. Por embargo, las datas siderales (las que tazan el zodiacu emprincipiando pol alliniamientu'l Sol con un estrella distante d'Aries, primer puntiu d'Aries), empléganse nas outras culturas.
