Галкин Александр Алексеевич
Wikipediaри материал
Галкин Александр Алексеевич, — сăвăç, прозаик, тăлмач. 1928 çулхи нарăсăн 2 Чăваш Енĕн Элĕк районĕнчи Чулкаç ялĕнче çуралнă. 2002 çулта Шупашкарта вилнĕ.
1963 çултанпа СССР ÇП членĕ шутланать. 1977 çулта Чăваш АССРĕн тава тивĕçлĕ култура ĕçченĕ, 1997 çулта Чăваш Енĕн халăх сăвăçи ячĕсене тивĕçлĕ пулнă.
[тӳрлет] Пурнăçĕ
1953 çулта Чăваш педагогика институтне вĕренсе пĕтернĕ.
Чăваш кĕнеке издательствинче редактор пулса, «Тăван Атăл» журналта тĕп редактор вырăнĕнче, «Капкăн» журналăн литература уйрăмĕн заведующиĕ пулса ĕçленĕ.
[тӳрлет] Ĕçĕсем
Хăйĕн литература енчи пултарулăхне Аленксандр Галкин нумай енчен кăтартнă. Сăвăсем, поэмăсем, калавсем, баснăсем çырнă. Çавăн пекех нумай куçарнă. Ачасем валли те нумай çырнă.
Александр Галкинăн пĕтĕмпе 30 кĕнеке пичетленсе тухнă:
- «Пĕчĕк ĕçченсем» (1958);
- «Сурăм шарлакĕсем» (1961);
- «Хăрушă тĕлĕк» (1969);
- «Пурнăçра — пĕр мыскара»
- «Сĕрен кĕперĕ умĕнче»
- «Тăван тавралăхра»
- «Кукăр пăшал»
- «Сиплĕ сăмах»
- «Вăйăран вăкăр»
- «Туссем»
- «Хĕвел тухсан»
- «Хаваслă ачасем»
тата ыттисем те.
Вĕсенчен вырăсла 5 кĕнеке, тутарла 1 кĕнеке тухнă.
Ун сăввисем çине икçĕре яхăн юрă хывнă:
- «Шупашкар каçĕсем»;
- «Кăвак чечексем»;
- «Санпа кăна»;
- «Сурăмпала Выла хушшинче»;
- «Аннене»;
- «Çĕмĕртсем ларсассăн çеçкене»;
- «Мĕн кирлĕ-ши»;
- тата ыттисем.
