Cymuned Glo a Dur Ewropeaidd
Oddi wrth Wicipedia, y gwyddoniadur rhydd.
Sefydlwyd y Gymuned Glo a Dur Ewropeaidd (ECSC) ym 1951 trwy Gytundeb Paris. Ei aelod-wladwriaethau oedd Gwlad Belg, yr Iseldiroedd, Lwcsembwrg (gwledydd y Benelux), Gorllewin yr Almaen, Ffrainc a'r Eidal. Pwrpas y gymuned oedd cydgyfrannu adnoddau glo a dur ei aelod-wladwriaethau er mwyn rhwystro rhyfel arall yn Ewrop. Plannwyd gan Jean Monnet, gwas sifil ac economegydd o Ffrainc, a chyhoeddwyd gan Robert Schuman, gweinidog tramor Ffrainc.
Roedd yr ECSC yn sylfaen i ddatblygiad y Gymuned Economaidd Ewropeaidd a gafodd enw newydd, y Gymuned Ewropeaidd gyda Chytundeb Maastricht ac wedyn yr Undeb Ewropeaidd.
Roedd Cytundeb Paris yn ddilys am 50 blynedd yn unig, ac felly daeth yr ECSC i ben ar 23 Gorffennaf 2002. Roedd y Gymuned Ewropeaidd yn etifeddu cyfrifoldebau ac asedau yr ECSC (cadarhawyd hyn gan brotocol Cytundeb Nice).
[golygu] Arlywyddion Uchel Awdurdod y Gymuned Glo a Dur Ewropeaidd, 1952-1967
- Jean Monnet (Ffrainc) 1952-1955
- René Mayer (Ffrainc) 1955-1958
- Paul Finet (Gwlad Belg) 1958-1959
- Piero Malvestiti (Yr Eidal) 1959-1963
- Dino Del Bo (Yr Eidal) 1963-1967
