Jonathan Swift
El Vikipedio
Jonathan SWIFT (* la 30-an de novembro 1667 en Dublino, † la 19-an de oktobro 1745 en Dublino) estis angla/irlanda verkisto.
Li studis teologion en sia naskiĝurbo, venis al Anglio en la jaro 1688 kaj fariĝis la sekretario de la politikisto kaj verkisto Sir William TEMPLE. En Anglio li ankaŭ konatiĝis kun la junulino Esther "Stella" JOHNSON, kiu inspiris lin al la verkado de poemoj kaj la taglibro A journal to Stella(Taglibro por Stela).
Ekde 1699 Jonathan SWIFT denove ekvivis en Irlando, sed li ofte vojaĝis al Londono, por partopreni la politikan vivon tie. En la jaro 1713 li fariĝis dekano de la Dublina Katedralo St. Patrick’s. Ekde tiam lia politika intereso koncentriĝis ĉefe al Irlando.
La verkaron de Swift karakterizas preciza lingvouzo kaj ofte agreseme mokanta humuro. Du partoj el la kvarvoluma satiro Gulliver’s travels nuntempe apartenas al la klasikaĵoj de la porjunulara literaturo.
Li havis grandan influon al la mondliteraturo. En Esperanto estis Sandor Szathmari, kiu samstile kaj samakre kritikis la homan socion en sia verko Vojaĝo al Kazohinio.
[redaktu] Famaj verkoj:
- The battle of the books (satiro, 1704)
- A tale of a tub (satiro, 1704)
- The journal to Stella (taglibro/leteroj, verk. 1710-13, eld. 1784)
- Gulliver’s travels (4 partoj, 1726; reviziita eldono, 1735)
- A modest proposal (satiro, 1729)
[redaktu] En Esperanto aperis:
El "Vojaĝoj de Gulivero" / Jonathan Swift
En: Legolibro por kursanoj / Hrsg.: Tangerud, Odd ; p.25 – 31
Gulliver en Liliputlando : (mallongigita) / [Swift. Trad. M. Inman]. Ilustr. de J. R. Monsell. - Londono: Speaight and Sons, [proks. 1910]. - 62 p. : ilustr.
Unua vojaĝo de Gulivero: Liliputo / Jonathan Swift. El angla lingvo trad. Ethel M. Prent. Antauparolo Edward Ockey. - [London]: Maitland, [1961]. - 63 p.
La vojaĝoj de Gulivero / esperantigis Jos. A. de Roos. - Tilburgo: Smits
[redaktu] Rete legebla verko
 |
 |
 |
