Karlo-Emanuelo la 4-a de Savojo
El Vikipedio
Karlo-Emanuelo la 4-a de Savojo (itale : Carlo Emanuele) naskiĝis en la tiama ĉefurbo de la Savojaj Ŝtatoj, Torino, je la 24-a de majo 1751 kaj mortis en Romo je la 6-a de oktobro 1819.
Li estis la filo de la reĝo de Sardio Viktoro-Amadeo la 3-a (1726-1796) kaj de lia edzino Maria-Antonineto de Hispanio (1729-1785).
Li fariĝis princo de Piemonto (1773-1796), markizo de Saluco, de Montferato kaj de Oneglio, reĝo de Kipro kaj de Jerusalemo (1796-1802), 4-a reĝo de Sardio kaj duko de Savojo (1796-1802).
Li edziĝis en la nun franca urbo Chambéry (Ŝamberio) je la 6-a de septembro 1775 kun Maria-Klotildo de Burbono (1759-1802), kiu estis kromnomita "la Dika Burbonino" kaj poste titolita "respekteginda" de la Eklezio. Ŝi estis la filino de la daŭfeno Ludoviko de Francio kaj de lia dua edzino Maria-Jozefino de Saksio, kaj ankaŭ la fratino de la reĝoj de Francio Ludoviko la 16-a, Ludoviko la 18-a kaj Karlo la 10-a.
Ili ne sukcesis naski gefilon.
Pro sia malsanema naturo, li ne multe partoprenis la konflikton kun Francio de 1793 ĝis 1796 kaj preferis vivi en monaĥejo. Li ne povis sukcese kontraŭstari la malfacilaĵojn okazintajn post la piemonta malvenko de 1796 kaj suferis la agojn de la franca okupanto kaj de la lokaj jakobenoj, kiuj trudis al li reformojn "kontraŭ-feŭdajn" en 1797-1798. Tio pligravigis la internan agitiĝon de la reĝlando, kiun li forlasis en decembro 1798 por rifuĝi al Sardio.
Senesperigita post la mortoj de sia edzino kaj sia protektanto Caro Paŭlo la 1-a, li abdikis je la 4-a de junio 1802 favore al sia frato Viktoro-Emanuelo la 1-a kaj retiriĝis al Romo kiel jezuito. Tiel kaj tie li mortis en 1819 kaj estas entombigita en la preĝejo Sankta-Andreo de Quirinal.
[redaktu] Eksteraj ligiloj
Arkivejoj de Savojo en la franca lingvo- Genealogio de la savoja dinastio
| Gepatroj | ||||
| Viktoro-Amadeo 3-a | ||||
| 1750 geedziĝo kun | ||||
| Maria-Antonino | ||||
| de Hispanio | ||||
| Antaŭulo | Karl-Emanuel 4-a | Posteulo | ||
|---|---|---|---|---|
| 3-a reĝo de Sardio | 1751 - 1796 - 1819 | 5-a reĝo de Sardio | ||
| Viktoro-Amadeo 3-a | 1775 geedziĝo kun | Viktor-Emanuel 1-a | ||
| 1726 - 1773 - 1796 | Maria-Klotildo | 1759 - 1802 - 1821 | ||
| de Burbono | ||||
| Gefiloj (0) | ||||
| neniu | ||||
