Sopron
El Vikipedio
[redaktu] Ĝeneralaĵoj
Sopron (germane Ödenburg), estas urbo en okcidenta Hungario, en la provinco Győr-Moson-Sopron. Norde de ĝi situas la Lago Fertő (germane Neusiedler See), okcidente kaj sude la limo al Aŭstrio.
En la tempo de la aŭstra-hungara imperio, ĝi estis la ĉefa urbo de Burgenlando, germanlingva regioneto, kiu tamen apartenis al Hungario . Post la unua mondmilito kaj la sekva redivido de Eŭropo fare de la usona prezidento Woodrow Wilson, Burgenlando estis donita al Aŭstrio sed Hungario obtenis plebisciton en 1921, kiu mirige donis al ĝi en la urbo preskaŭ du trionojn el la voĉoj. Tiu disigo de Sopron/Ödenburg el la resto de Burgenlando estis tre dolora por la Aŭstroj kaj la Germanoj. Tiuj klarigas la elekton de Hungario fare de Germanlingvuloj per la fakto, ke oni timis komunismon, kaj Hungario regata de la tre konservativa admiralo Horthy ŝajnis pli sekuriga ol Aŭstrio, agitata de marksistaj movadoj. Oni decidis, do, ne laŭ sia lingvo sed laŭ sia politika sinteno.
Rezultis, ke Sopron fariĝas norde, okcidente kaj sude ĉirkaŭata de Aŭstrio. Inverse la aŭstria provinco Burgenland ne plu havis ĉefurbon. Pro tio necesis, ke la aŭstra urbo Eisenstadt (hungare Kismarton) iĝu ĉefurbo.
Pro la situo de Sopron ne estas mirige, ke Sopron ludis interesan rolon en la falo de la Fera Kurteno, kiam en 1989 pluraj centoj da GDR-anoj provis transiri la limon al Aŭstrio kaj sukcesis fari tion sen malhelpo de la hungariaj aŭtoritatoj. Pro tio poste okazis kelkaj vanaj protestoj de la mortanta GDR sed ankaŭ pluraj oficialaj dank-esprimoj de FGR al Hungario.
[redaktu] Datenoj
Sopron havas ĉ. 55.000 loĝantojn. Ĝi situas je 16° 60'; de orienta longitudo kaj 47° 68'; de norda latitudo.
Iama kelta setlejo tiuloka havis la (probable latinan) nomon Scarabantia.
La proksima lago Fertő (Neusiedler See) estas naturprotektejo, ankaŭ ĉe la aŭstria flanko de la lago.
[redaktu] Ligoj
La urba ret-paĝejo havas la adreson www.sopron.hu.
 |
 |
 |
 |
